Shyǵys Afrıkada gýmanıtarlyq zilzala áli jalǵasýda. Halyqaralyq qaýymdastyqtar mańyzdy sharalar qabyldamasa, onyń aýqymy arta bermek, dep jazady Anadolu agenttigi. BUU taratqan aqparat boıynsha, Somalı, Ońtústik Sýdan, Efıopııa, Kenııa, Djıbýtı, Ýganda jáne Býrýndı elderindegi qurǵaqshylyq, áskerı shıelenister men azyq-túlik jetispeýshiliginen 23 mıllıonǵa jýyq adam asharshylyqqa ushyraǵan.
Adam ólimine ákelgen bul jaǵdaıǵa atalǵan elderdegi ekonomıkalyq turaqsyzdyq, aýa raıy anomalııasy men mıgrasııa sebep bolǵan. Sonymen qatar aýyl sharýashylyǵyndaǵy mal men eginniń tómendeýinen azyq-túlik baǵasy kúrt qymbattaǵan.
BUU Azyq-túlik jáne aýyl sharýashylyǵy uıymynyń málimeti boıynsha, Efıopııa, Kenııa, Somalı, Ońtústik Sýdan, Ýganda men Tanzanııada sońǵy jylda azyq-túlik baǵasy rekordtyq deńgeıge jetken. Tek Ońtústik Sýdanda ǵana baǵa 4 ese artqan.