Qazaqstandaǵy nesıe naryǵy 2016 jyly aıtarlyqtaı ózgerdi. Bir jylda jeke tulǵalardyń merzimi ótip ketken nesıeleri 10,3%-dan 9,5%-ǵa tómendedi. Bankter kepilzatsyz nesıeniń paıyzyn tómendetip, sapaly tutynýshylardy izdeýde.
Nátıjesinde bólshek nesıe naryǵy taryla bastady. 2017 jyldyń qańtar aıynda jeke tulǵalardyń nesıe portfeli 0,4 paıyzǵa (16,3 mlrd teńge) tómendep, 4 trln teńgeni qurady. 2016 jyly bankter nesıe berýdi azaıta bastaǵany bıyl taǵy qaıtalanýy múmkin degen pikir aıtýǵa áli erte. О́ıtkeni, jyl basynda, ádette, halyq jańajyldyq shyǵynnan keıin kópke deıin nesıege jolamaı tura turady. 2016 jyly da qańtarda nesıe portfeli 0,3 paıyzǵa azaıǵan bolatyn.
Degenmen, 2017 jyly birinshi ret nesıe alýshylar qatary kóbeıgen. Bir aı ishinde 197,4 mlrd teńgeniń nesıesi berilgen. Bul ótken jyldyń qańtarymen salystyrǵanda 70,9 paıyzǵa artyq.
Ekinshi deńgeıli bankterdiń portfelindegi bólshek nesıe kólemi 31,4 paıyzdan 32,2 paıyzǵa artty.
Esterińizge sala keteıik, 2016 jyly bólshek nesıe berý kórsetkishi kúrt tómendegen. Oǵan sebep bolǵan faktor sońǵy bes jylda halyqtyń jappaı nesıege bet burýy.
2016 jyl sońyna deıin bólshek nesıe berý kórsetkishi 2010 jylǵymen salystyrǵanda 89,2 mlrd teńgege tómendedi.
Sonymen qatar, bólshek nesıeniń azaıýy osy naryqtaǵy Ulttyq banktiń baqylaý tetikteriniń kúsheıtilýi.
2016 jyldyń 1 qańtarynan bastap nesıe berý úshin bankterdiń nesıe tarıhy men naqty tabys kóleminiń tekserilýi talap etildi. Eger nesıege ótinish berýshi tulǵanyń aı saıynǵy nesıe tóleminiń kólemi jalpy tabysynyń 35 paıyzynan asyp ketetin bosla, jáne nesıe tarıhynda kemshilikter bolsa, onda bank ótinishti qanaǵattandyrmaıdy.
Qazirgi tańda aılyq jalaqy tabysy bar adamdarǵa kepilzatsyz nesıe beretin elde 17 banktiń 30 usynysy bar. Al naryqta jalpy ekspress nesıe berýshi 18 banktiń 46 usynysy jumys isteıdi.
Barlyq bankterdiń ortasha paıyzdyq ústeme aqysy 30,3 paıyzdy quraıdy. Al bir jyl buryn bul kórsetkish 32,1 paıyz edi.
Qazir eń tómengi paıyzdyq kórsetkish Qazkom banki (16,3 paıyz), odan keıin ATF Banki (17,2%), úshinshi orynda (Kaspi banki 21,4%).
Eń kóp soma usynatyn bankterdiń kósh basynda da Qazkom (6 mln teńge), odan keıin 7 bank (5 mln teńge).