Astana ákimdiginde Tatıana Nanoshkınanyń 7 naýryzda №64 baǵdardaǵy avtobýsta oryn alǵan jaǵdaıǵa qatysty ótinishi qaraldy. Júrgizýshi M. Myrzahmetovqa jáne kondýktor K. О́meshovaǵa «№ 7 avtopark» JShS sógis jarııalady, dep habarlaıdy qala ákimdiginiń resmı saıty.
Astana ákimdigi jolaýshylarǵa qyzmet kórsetý sapasyna, servıs deńgeıine jáne júrgzýshiler men kondýktorlardyń tártibine basa nazar aýdarady. Oǵan bıylǵy jyldyń 12 qańtarynda ótkizilgen kólik máseleleri jónindegi qoǵamdyq tyńdaý dálel bola alady. Shara barysynda halyqqa qyzmet kórsetý máseleleri men olardy sheshý boıynsha mindetter atap kórsetildi.
Osyǵan baılanysty, 10 naýryzda Astana qalasynyń jolaýshylar kóligi basqarmasynyń basshysy B. Igenberdınovtyń jetekshiligimen barlyq avtobýs parkteriniń ákimshilikteriniń qatysýymen qabyldanyp jatqan sharalardy taldaý boıynsha jıyn ótkiziledi. Jıynda avtobýs júrgizýshileriniń marshrýtta aralyqty saqtaý jáne jol qozǵalysy erejelerin buzý sııaqty óz mindetterin oryndamaýy, sonymen qatar, halyqqa qyzmet kórsetý deńgeıiniń tómendigi sóz bolmaq.