Bul – memlekettik qyzmettiń abyroıyn asyratyn qadam

Bılikke degen senim memlekettik qyz­met­shiden bastalady. Otyz damyǵan eldiń quramyna enýge kepildik beretin «100 naqty qadam» Ult josparynyń alǵashqy 15 qadamy memlekettik qyzmetti sannan sapaǵa qaraı kásibılendirýge arnalýy da zańdy qubylys. Sebebi, óz isin jetik biletin, mamandyǵyna adal memleket­tik qyzmetshiler elge qyzmet etpeıinshe, órkenıetti elderdiń qataryna qosyla almaımyz. Memlekettik qyzmetshilerdi keshen­di attestattaýdan ótkizý naýqany – mem­le­kettik qyzmetke eń laıyqty adam­dar­dy iriktep, olardyń abyroıyn, bilik­tiligin, eńbegin eskeretin júıeni qalyptastyratyn «elge qyz­met etý» qaǵıdasynyń júzege asýy­nyń aıǵaǵy. Meniń ózim uzaq jyl boıy mem­lekettik qyzmette jumys at­qar­­dym. Sol úshin baqyttymyn. Biraq, qazir­gi qol­danystaǵy «Qazaqstan Respýb­lı­ka­­synyń Memlekettik qyzmeti týraly» Zańyn­da kórsetilgendeı, eshqashan mem­leket­tik qyzmetshiniń áleýetin kóterý úshin mundaı jaǵdaı jasalǵan emes. Kúni keshege deıin biz mansaptyq ósý, merıtokratııa degen sózderdi bilmeppiz. Jańadan basshy kelse, ujymnyń biraz bóligi aýysatyn. Osydan bolar, memlekettiń emes, mekeme basshysynyń kóńilin tabýmen álek bolatynbyz. Al, qazirgi saıasatta isker mamandardy mansaptyq ósirýge asa mán berilgen. Sondyqtan, ómirin memlekettik qyz­met­pen baılanystyrǵysy kelgen ta­lantty jastar úshin alańsyz jumys isteıtin ýaqyt týdy. Endigi jaǵdaı­da, memlekettik qyzmetshilerdiń qabi­letine qaraı ósý múmkindigi bar. Sondyq­tan, burynǵymen salystyrǵanda memle­kettik qyzmette kadrlardyń ornyǵýy áldeqaıda ósti. Nesin jasyraıyq, qansha jerden jumysymyzdyń alǵyr mamany bolsaq ta, zańnyń árbir babyn este saqtaý qıyn. Onyń ústine, ýaqytpen sanaspaıtyn jumys rejimi ol zańdardy qaıtalap turýǵa mursha bermeıdi de. Tek tikeleı jumysqa qatysty normatıvtermen shektelemiz. Sondyqtan, aldyńǵy jyldary attestattaý jaqyndaı bastaǵanda, biz osy qıyndyqtan shyǵý úshin tóte joldardy izdeı bastaıtynbyz. Al qazirgi jaǵdaıda ótip jatqan attestattaý sybaılas jemqorlyqtyń qan­daı da bolsyn táýekeline múmkindik bermeıdi. Qazirgi tańda memlekettik qyz­met­­shiler zaman talabyna oraı jeke tul­ǵalyq sıpatyn anyqtaýda bastama­shyldyq, sheshim qabyldaý, jyldamdyq, jaýapkershilik, seriktestik, qyzmetti tutynýshyǵa baǵ­dar­laný, qyzmetti tutynýshyny habarlandyrý sııaqty 11 quzyretti anyqtaýǵa arnalǵan testileýden ótip jatyr. Olar kelesi kezekte arnaıy attestattaý komıssııasy aldynda kásibıligine baılanysty áńgimelesýden ótedi. Attestattaý komıssııasyna tıisti meke­meniń basshylarynan basqa, máslıhat depýtattary, qoǵamdyq birles­tikter men úkimettik emes uıymdar­dyń, BAQ-tardyń ókilderi qatysýy da qýantarlyq jaıt. Bul kezeń ashyqtyq, jarııalylyq, ádildik qaǵıdattaryn saqtaý maqsatynda aýdıo jáne beınekameralarmen súıemeldenedi. Osylaı­sha jan-jaqty qarastyrylyp, pysyqtal­ǵan attestattaý naýqany el senimin­degi azamattardyń iskerlik kelbetin somdaıdy dep senemin. Sondyqtan da memlekettik qyzmetshiniń jumysyn obektıvti baǵalaýǵa baǵyttalǵan bul júıeni qoldaımyn. Kezinde Arıstotel: «Halyqqa qyz­met etip, jaqsylyq jasaý úshin ǵalam­­dy tóńkerip, baı bolyp nemese kúlli adamdy basqaryp, patsha bolý mindetti emes. Tek halyqqa adal qyz­met etý kerek», depti. Shynynda da, elimiz­diń erteńi – búgingi memlekettik qyz­met­shilerdiń adamı jáne kásibı qundy­lyq­taryna, eljandylyǵyna baılanysty. Abdýlla AHMETOV, Eńbekti qorǵaý jónindegi respýblıkalyq ǵylymı-zertteý ınstıtýtynyń Ońtústik Qazaqstan oblysy boıynsha fılıalynyń dırektory ShYMKENT