«Golovkındeı bilikti boksshyny jeńý úshin júrek jutqan adam bolý kerek shyǵar. Biraq basymnan ótken qıyn jaǵdaılardan keıin men qandaı synaqqa (Denıel 2011 jyly isik aýrýyna shaldyqqan) bolsyn daıynmyn. Qazir eshnárseden qoryqpaımyn», – dedi 30 jastaǵy amerıkalyq boksshy.
«GGG-ge qarsy kezdesý ómirimdegi eń aıtýly jekpe-jek bolaıyn dep tur. Bul maǵan berilgen úlken múmkindik. Endi jeńiske jetý úshin aıanyp qalmaspyn. О́zime ózim tolyqtaı senimdimin», – dedi Denıel Djeıkobs.
Aıta keteıik, 18 naýryz kúni Gennadıı Golovkın men Denıel Djeıkobs Nıý-Iorktegi Madison Square Garden arenasynda kúsh synasady. Qazaqstandyq boksshy bul kezdesýde ózine tıesili WBC, WBA (Super), IBF jáne IBO belbeýlerin ortaǵa salady. Elimizde bul jekpe-jekti 19 naýryzda «Qazaqstan» jáne «KazSport» telearnalary tikeleı efırde kórsetedi.