Orta salmaqtaǵy qazaqstandyq boksshy Aıdos Erbosynuly kásipqoı rıngtegi besinshi kezdesýin ótkizdi. Bul joly da jerlesimiz merziminen buryn jeńiske jetti, dep habarlady vesti.kz.
Jekpe-jek AQSh-tyń Nıý-Djersı shtatynda ótti. Onyń qarsylasy – 24 jastaǵy amerıkalyq Rıarýs Dadlı. Aıqastyń ekinshi raýndynda Aıdos tehnıkalyq nokaýtpen jeńdi. Amerıkalyq byltyr taǵy bir qazaqstandyq boksshy Shyńǵyshan Tájibaıdan (4-0, 2 KO) jeńilgen bolatyn.
Aıdos Erbosynuly AQSh-ta alǵash ret sharshy alańǵa shyǵyp tur. Osyǵan deıin onyń aıqasy Nıý-Iorkte 2 naýryz kúni ótetini habarlanǵan.
Ol kásipqoı bokstaǵy bastapqy eki kezdesýin 2015 jyly Ýkraınada ótkizse, kelesi ekeýinde Qazaqstandaǵy boks keshinde shyqqan.
Aıta keteıik, áýesqoı boksta ol Qazaqstan chempıonatynyń júldegeri atansa, «Astana Arlans» sapynda Dúnıejúzilik boks serııasynda jeńiske jetti.