«Qytaılyq qaýip» týraly aıtylyp jatqan áńgimeler shyndyqqa janaspaıdy. Bul týraly Qytaı Halyq Respýblıkasynyń Qazaqstandaǵy Tótenshe jáne ókiletti elshisi Chjan Hanhýeı qazaqstandyq BAQ ókilderimen kezdesýinde aıtty.
– Qazir «Qytaılyq qaýip» týraly san túrli aqparattar aıtylyp jatqanynan habardarmyn. Biraq bul eshqandaı negizsiz aqparat. Qytaı eshqashan basqynshylyqpen aınalysqan emes, aldaǵy ýaqytta da aınalyspaıdy. Qazir QHR óndiris salasy, aqparattyq tehnologııalar, ǵarysh jáne basqa da salalar boıynsha alǵa shyqty. Bizdiń ekonomıkamyz básekege qabiletti. Al biz ózimizdi qorǵaı alatyn deńgeıge jetsek, alyp elder «qytaılyq qaýip» týraly aıtady. Bul durys emes. Biz beıbit qatynasty, áriptestik negizdegi baılanysty qalaımyz,– dedi QHR Tótenshe jáne ókiletti elshisi.
Arnur Asqar, "Egemen Qazaqstan".