О́tken juma kúni munaı baǵasy bolmashy kóterilgenimen, apta basynan beri 2 paıyz tómendedi. Oǵan sebep bolǵan AQSh-taǵy munaı óndirisiniń naryqtaǵy usynysty eselep arttyrýy múmkin degen sybystyń taraýy.
Juma kúngi saýdanyń qorytyndysy boıynsha, Brent markasynyń bir barreli 0,24 dollarǵa qymbattap, 50,80 dollarǵa teńesti.
Baker Hughes kompanııasy ótken juma kúni AQSh-taǵy jumys istep turǵan burǵylardyń sanyn jarııalady. Kompanııanyń málimetinshe, qazirgi tańda eldegi jumys istep turǵan burǵy sany 652-ge jetken. Bul 2015 jyldyń qyrkúıeginen bergi eń joǵarǵy kórsetkish.
Sonymen qatar, AQSh-taǵy munaı qory da bir aptada 5 mln barrelge artyp, bul óz kezeginde baǵanyń tómendeýine alyp keldi.
OPEK uıymynyń habarlaýynsha, qańtarda álemdik munaı qory 278 mln barrelge deıin artyp, sońǵy bes jyldaǵy maksımýmǵa jetken.
Osynyń bári qazirgi tańda baǵanyń kóterilýine kedergisin keltirýde, deıdi ınvestorlar.
Osy aptada AQSh-tan keletin jańalyqty kútetin bolady. Sársenbi men beısenbi kúnderi AQSh munaı men munaı ónimderiniń qory týraly jańa málimet shyqsa, Kýveıtte bas qosqan OPEK músheleriniń sala mınıstrleri ótken jyldyń sońynda munaı óndirisin azaıtý týraly kelisimniń oryndalý barasyna baǵa bermek.
Sonyń ishinde saýdagerler ekinshi jartyjyldyqta osy kelisimniń uzartylar-uzyrtylmasyna kóńil aýdarmaq.
Iraktyń munaı mınıstri Djabbar ál -Laıbı senbi kúni kelisimniń uzartylýyn naryqtaǵy ahýal sheshetinin aıtqan edi.
Al Reseı Energetıka mınıstri Aleksandr Novak bul týraly kóz qozǵaýdyń áli erte ekendigin aıtqan.
Aljır Energetıka mınıstri Nýreddın Býterfa bolsa, kelisimniń uzartylýy naryq úshin paıdaly degen pikir bildirdi.