Jýyrda oblystyq aýrýhanada ınsýlttan qaıtys bolǵan 45 jastaǵy áıeldiń qos búıregi eki naýqasqa salyndy. Buǵan ómirden ótken áıeldiń týysqandary kelisim bergen. Sodan soń osy máselege qatysty jasalǵan saraptamalar shuǵyl Almaty men Astana qalalaryna jiberildi. Sonyń nátıjesinde saraptamalary sáıkes kelgen eki adamǵa óz kelisimderine sáıkes ota jasaý uıǵarylǵan.
– Onyń birinshisi 36 jastaǵy áıel, al ekinshisi 58 jastaǵy er adam. Eki búıregi de istemeıtin bul naýqastar eki-úsh jyldan beri gemodıalız ortalyǵynda kún saıyn em alyp júrgen-di. Barlyq medısınalyq qorytyndylar qolymyzǵa tıgennen keıin birden iske kiristik. Ota sátti ótti. Qazir naýqastardyń jaǵdaıy qalypty deýge bolady. Áıtse de dárigerlik baqylaýlar odan ári jalǵasa beredi, – dedi oblystyq densaýlyq saqtaý basqarmasynyń bas hırýrgi Erlan Sultangereev.
Temir QUSAIYN, «Egemen Qazaqstan»
AQTО́BE