Golovkınniń kelesi qarsylasy retinde HBO úsh boksshyny usyndy. Olar: meksıkalyq Saýl «Kanelo» Alvares, amerıkalyq Denıel Djeıkobs (revansh) jáne aǵylshyn boksshysy Bıllı Djo Sonders. Sondaı-aq, tórtinshi nusqa retinde oqyrmandar óz tańdaýlaryn jasap, pikir qaldyrdy.
Saýalnamaǵa barlyǵy 9 myńnan astam jankúıer qatysty. Qorytyndysynda 61%-y Alvareske daýys berse, 24%-y Djeıkobspen revansh jekpe-jek ótkizgenin qalaıdy eken. Al 11%-y orta salmaqta WBO nusqasy boıynsha álem chempıony Bıllı Djo Sonderske tańdaý jasady. Qalǵan 4%-y óz nusqalaryn jazdy.
Aıta keteıik, Gennadıı-Alvares aıqasy jóninde kelissózder ótken jyldan beri júrgizilip keledi. Málimetter boıynsha boks keshi osy jyldyń qyrkúıek aıyna josparlanyp otyr. Al G.Golovkın Denıel Djeıkobspen 18 naýryz kúni Nıý-Iorkte kúsh synasyp, 12 raýndtyń qorytyndysy boıynsha tóreshilerdiń biraýyz sheshimimen jeńiske jetken bolatyn. Jekpe-jekten keıin GGG Denıelmen revansh ótkizýge daıyn ekendigin málimdedi.
Al Bıllı Djo Sonderspen maýsym aıynda EXPO-2017 kórmesi aıasynda judyryqtasatyny habarlanǵan. Qazirgi ýaqytta osy is jóninde kelissózder júrgizilip jatyr.