UQShU – jahandyq jáne aımaqtyq qaýipsizdiktiń negizgi býyndarynyń biri

26 naýryzda Ujymdyq qaýip­sizdik týraly shart uıymy Par­lamenttik Assambleıasy Keńe­siniń otyrysy boldy. Onyń kún tártibi Ujymdyq qaýipsizdik týra­ly shartqa qol qoıylýynyń 25 jyl­dyǵyna, UQShU qury­lýy­nyń 15 jyldyǵyna jáne UQShU Par­­­­lamenttik Assambleıasy qu­ry­­lýy­nyń 10 jyldyǵyna arnaldy. 

Q.Toqaev óz sózinde UQShU-ny Eýrazııadaǵy áskerı-saıası turaqtylyqtyń mańyzdy faktory bolyp otyrǵan bedeldi halyq­aralyq qurylym retinde sıpat­tady. «UQShU áleýetin jáne bizdiń Uıym aıasyndaǵy áriptes­tikti nyǵaıtý Qazaqstan Respýb­lıkasynyń múddelerine tolyq­taı saı keledi, sondyqtan, onyń qyzmetin údetýge baǵyttalǵan bir­qatar naqty usynystar engizgen Prezıdent Nursultan Nazarbaev­tyń udaıy nazarynda bolyp otyr», – dep atap ótti Tóraǵa.

Q.Toqaev jahandyq jáne aı­maq­tyq qaýipsizdiktiń negizgi býyn­darynyń biri retinde UQShU óz rólin nyǵaıtýy tıis dep sanaıdy. «Belsendi ynty­maq­tasý men ózara is-qımylsyz halyq­aralyq terrorızmge qarsy birlese qarsy turý, Aýǵanstandy turaq­tandyrýǵa járdemdesý, uzaqqa sozylǵan teketiresterdi retteý jáne jalpy alǵanda, qaýip­sizdik, qarýsyzdaný jáne senim shara­lary máseleleri boıynsha aýqymdy dıalog múmkin emes», – dedi Qazaqstan delegasııasynyń basshysy.

Q.Toqaev ujymdyq qaýip­sizdik júıesin quqyqtyq tur­ǵy­da qamtamasyz etýge, biz­diń memleketimizdiń zańnama­syn jaqyn­dastyrý men úıles­ti­rýge baǵyttalǵan UQShU Parla­ment­tik Assambleıasynyń qyzmetine joǵary baǵa berdi. Ol Qazaq­stan Parlamenti UQShU aıasyn­da qol qoıylǵan barlyq kelisim­d­erdi ýaqytynda ratıfısııa­la­ǵanyn atap ótti. Senat Tór­aǵasy Qa­zaq­stan delegasııasy par­lament­tik dıplomatııany ny­ǵaıtýǵa ba­ǵyt­talǵan jumystardy jalǵastyra beretinin jetkizdi.

UQShU PA Keńesiniń otyrysynda Uıym qyzmetiniń qory­tyn­dylary men keleshegi, onyń ishinde ujymdyq qaýipsizdik júıesin quqyqtyq turǵyda qamta­masyz etý máseleleri talqy­landy. UQShU-ǵa múshe memle­ketter delegasııalarynyń halyq­aralyq parlamenttik qury­lym­dardaǵy qyzmetin odan ári úılestirý máseleleri qaraldy.

27-28 naýryzda Qazaq­stan delegasııasy TMD Parla­ment­­aralyq Assambleıasy men Halyq­­aralyq terrorızmmen kúres jó­nindegi parlamenttik konferen­sııa qurylymdarynyń jumy­syna qatysady.