​Qazaqstan Respýblıkasy Úkimetiniń qaýlysy

2016 jylǵy 29 jeltoqsan                №907             Astana, Úkimet Úıi

«Quqyqtyq aktiler týraly» 2016 jylǵy 6 sáýirdegi Qazaqstan Respýblıkasy Zańy­nyń 18-babynyń 2-tarmaǵyna sáıkes Qazaqstan Respýblıkasynyń Úkimeti qaýly etedi:

1. Qoca berilip otyrǵan Qazaqstan Respýblıkasynyń ýákiletti organdarynda zań jobalaý jumystaryn uıymdastyrý qaǵıdalary bekitilsin.

2. Osy qaýlyǵa qosymshaǵa sáıkes Qazaqstan Respýblıkasy Úkimetiniń keıbir sheshimderiniń kúshi joıyldy dep tanylsyn.

3. Osy qaýly qol qoıylǵan kúninen bastap qoldanysqa engiziledi jáne resmı jarııalanýǵa tıis.

Qazaqstan Respýblıkasynyń Premer-Mınıstri B.SAǴYNTAEV

Qazaqstan Respýblıkasy Úkimetiniń

2016 jylǵy 29 jeltoqsandaǵy №907 qaýlysymen bekitilgen

Qazaqstan Respýblıkasynyń ýákiletti organdarynda zań jobalaý jumysyn uıymdastyrý qaǵıdalary

1. Osy Qazaqstan Respýblıkasynyń ýákiletti organdarynda zań jobalaý jumy­syn uıymdastyrýdyń qaǵıdalary (budan ári – Qaǵıdalar) «Quqyqtyq akti­ler týraly» 2016 jylǵy 6 sáýirdegi Qazaqstan Respýblıkasynyń Zańyna (budan ári – Zań) jáne Qazaqstan Respýblıkasy Úkimetiniń 2002 jylǵy 10 jeltoq­sandaǵy №1300 qaýlysymen bekitiligen Qazaqstan Respýblıkasy Úkimetiniń Reglamentine (budan ári – Úkimet Reglamenti) sáıkes Qazaqstan Respýblıkasy Úkimetiniń zań shyǵarý bastamasy tártibimen zań jobalaryn ázirleýge jaýapty Qazaqstan Respýblıkasynyń ýákiletti organdarynda (budan ári – ýákiletti organdar) zań jobalaý jumysyn uıymdastyrý tártibin aıqyndaıdy.

2. Ýákiletti organdardyń zań jobalaý jumysyn uıymdastyrýy mynalardy qamtıdy:

1) zań jobasynyń tujyrymdamasyn daıarlaý (Qazaqstan Respýblıkasynyń Bıýdjet kodeksin iske asyrý úshin ázirlenetin zań jobalaryn qospaǵanda);

2) zań jobasy tujyrymdamasyn aqparattandyrý salasyndaǵy ýákiletti organ aıqyndaıtyn tártippen jarııa talqylaý úshin ashyq normatıvtik quqyq­tyq aktilerdiń ınternet-portalynda, sondaı-aq ázirleýshi organnyń ınternet-resýrsynda ornalastyrý;

3) jeke kásipkerlik sýbektileriniń múddelerin qozǵaıtyn zań jobasynyń tujyrymdamasyn, onyń ishinde osy jobany múddeli memlekettik organdarmen árbir kelesi kelisý kezinde jeke kásipkerlik sýbektileriniń akkredıttelgen birlestikterine jáne Ulttyq kásipkerler palatasyna saraptamalyq qorytyndy alý úshin jiberý;

4) rettegish quraldy jáne onymen baılanysty talaptardy engizýdi nemese kásipkerlik sýbektilerine qatysty retteýdi qatańdatýdy júzege asyrýdy kózdeıtin zań jobasy tujyrymdamasyna ony júrgizý qajettigi Kásipkerlik kodeksinde kózdelgen jaǵdaıda kásipkerlik salasyndaǵy ýákiletti organ bekitetin tártippen retteýshilik áserge taldaý júrgizý;

5) zań jobasynyń tujyrymdamasyn Qazaqstan Respýblıkasynyń Ádilet mınıstrligine tujyrymdamanyń osy Qaǵıdalardyń 4 jáne 15-tarmaqtaryna sáıkestigi týraly aldyn ala qorytyndy alý úshin jiberý;

6) zań jobasynyń tujyrymdamasyn Zań jobalaý qyzmeti máseleleri jónindegi vedomstvoaralyq komıssııa (budan ári – Komıssııa) otyrysynda qaraý;

7) Komıssııa otyrysynda zań jobasynyń tujyrymdamasy maquldanǵan jaǵdaıda zań jobasyn ázirleý boıynsha jumys tobyn qurý;

8) zań jobasyn, sondaı-aq, eger tıisti zań jobasynda zańǵa táýeldi normatıvtik quqyqtyq aktilerdi qabyldaý kózdelse, olardyń jobalaryn ázirleý;

9) «Qoǵamdyq keńester týraly» Qazaqstan Respýblıkasynyń Zańynda memlekettik organda qoǵamdyq keńes qurý kózdelmegen jaǵdaılardy qospaǵanda, azamattardyń quqyqtaryn, bostandyqtary men mindetterin qozǵaıtyn zań jobasyn qoǵamdyq keńesterge usynymdar alý úshin jiberý;

10) jeke kásipkerlik sýbektileriniń múddelerin qozǵaıtyn zań jobasyn, onyń ishinde osy jobany múddeli memlekettik organdarmen árbir kelesi kelisý kezinde jeke kásipkerlik sýbektileriniń akkredıttelgen birlestikterine jáne Ulttyq kásipkerler palatasyna saraptamalyq qorytyndy alý úshin mindetti túrde túsindirme jazbany qosa bere otyryp, jiberý;

11) rettegish quraldy jáne onymen baılanysty talaptardy engizýdi nemese kásipkerlik sýbektilerine qatysty retteýdi qatańdatýdy júzege asyrýdy kózdeıtin zań jobasyna ony júrgizý qajettigi Kásipkerlik kodeksinde kózdelgen jaǵdaıda kásipkerlik jónindegi ýákiletti organ aıqyndaıtyn tártippen retteýshilik áserge taldaý júrgizý;

12) zań jobasyna ǵylymı saraptama júrgizý;

13) zań jobasyn aqparattandyrý salasyndaǵy ýákiletti organ aıqyndaıtyn tártippen jarııa talqylaý úshin ashyq normatıvtik quqyqtyq aktilerdiń ınternet-portalynda, sondaı-aq ázirleýshi-organnyń ınternet-resýrsynda ornalastyrý;

14) Zańnamalyq qamtamasyz etýdi talap etetin memlekettik bastamalardy aqparattyq súıemeldeý boıynsha memlekettik organdardyń keshendi aqparattyq jumysynyń biryńǵaı josparynda kózdelgen is-sharalardy júrgizý;

15) zań jobasyn Zańǵa jáne Úkimet Reglamentine sáıkes múddeli memlekettik organdarmen jáne uıymdarmen kelisý;

16) memlekettik organnyń birinshi basshysynyń sheshimi negizinde zań jobalary boıynsha jarııa tyńdaýlardy ótkizý;

17) zań jobasyn pysyqtaý kezinde tujyrymdamalyq ózgerister engizilgen jaǵdaıda qosymsha ǵylymı saraptama júrgizý;

18) zań jobasyn Qazaqstan Respýblıkasynyń Úkimetine engizý jáne ony Úkimet Reglamentine sáıkes qaraý;

19) «Qazaqstan Respýblıkasy Úkimetiniń zań jobalaý jumystarynyń josparlaryn Qazaqstan Respýblıkasynyń Prezıdentimen jáne Qazaqstan Respýblıkasy Parlamentiniń Májilisine Úkimet engizetin zań jobalaryn Qazaqstan Respýblıkasy Prezıdentiniń Ákimshiligimen kelisý erejelerin bekitý týraly» Qazaqstan Respýblıkasy Prezıdentiniń 2002 jylǵy 17 mamyrdaǵy №873 Jarlyǵyna sáıkes zań jobalaryn Qazaqstan Respýblıkasy Prezıdenti Ákimshiligimen kelisý;

20) zańdar jobalaryna qaıtalama ǵylymı lıngvıstıkalyq saraptama júrgizý;

21) zańdar jobalaryn Qazaqstan Respýblıkasy Parlamentiniń Májilisine engizý;

22) zańdar jobalaryn Qazaqstan Respýblıkasynyń Parlamenti palatalarynda qaraý kezinde usyný men súıemeldeý.

3. Zań jobasynyń tujyrymdamasyn daıyndaý Qazaqstan Respýblıkasy Prezıdentiniń Qazaqstan halqyna Joldaýy, Qazaqstan Respýblıkasy Konstıtýsııalyq Keńesiniń jyl saıynǵy joldaýynyń erejeleri, Qazaqstan Respýblıkasy Konstıtýsııalyq Keńesiniń, Qazaqstan Respýblıkasy Joǵarǵy Sotynyń normatıvtik qaýlylary, memlekettik baǵdarlamalar jáne Qazaqstan Respýblıkasynyń Úkimeti bekitken baǵdarlamalar, memlekettik baǵdarlamalardy iske asyrý jónindegi is-sharalar josparlary, Úkimet sheshimderi, normatıvtik quqyqtyq aktilerdiń quqyqtyq monıtorınginiń nátıjeleri, Qazaqstan Respýblıkasynyń zańnamasyn tıisti salalarda jáne qoǵamdyq ómirdiń salalarynda qoldaný praktıkasy, qoldanystaǵy zańnamanyń problemalary boıynsha ótkiziletin ǵylymı-praktıkalyq konferensııalardyń, semınarlardyń, keńesterdiń materıaldary, jeke jáne zańdy tulǵalardyń ótinishteri, úkimettik emes uıymdar usynatyn materıaldar, buqaralyq aqparat quraldaryndaǵy aqparat eskerile otyryp, júzege asyrylady.

Zań jobasynyń tujyrymdamasyn ýákiletti organ qajet bolǵan kezde ǵylymı-zertteý uıymdaryn, ǵylymnyń tıisti salalaryndaǵy ǵalymdardy, bilimniń túrli salalaryndaǵy mamandardy tarta otyryp, daıyndaıdy.

4. Zań jobasynyń tujyrymdamasyn daıyndaý kezinde ýákiletti organ:

1) quqyqtyq retteýdiń tıisti salasyndaǵy qoldanystaǵy zańnamany taldaýdy, qoldanystaǵy quqyqtyq tetikter (olar bolǵan jaǵdaıda) tıimdiliginiń jetkiliksizdigi sebepterin aıqyndaýdy, júrgizilgen zańnamalyq aktilerdiń quqyqtyq monıtorıngi nátıjelerin esepke alýdy, uqsas qoǵamdyq qatynastardy retteıtin aktilerdiń kóp bolýyn anyqtaýdy;

2) ekonomıkalyq, áleýmettik, statıstıkalyq jáne ózge de qajetti aqparatty zertteýdi, qorytyndylaýdy jáne taldaýdy, zańdy qabyldaýdyń boljaldy áleýmettik, qarjylyq-ekonomıkalyq, ekologııalyq, quqyqtyq jáne ózge de saldaryn zertteýdi júrgizýdi, onyń ishinde zańnyń qabyldanýyna baılanysty bolýy múmkin áleýmettik táýekelderdi, sondaı-aq belgili bir salada qoǵamdyq qatynastardyń damý úrdisteri men nusqalaryn taldaýdy;

3) eger zań jobasyn iske asyrý respýblıkalyq jáne (nemese) jergilikti bıýdjetterdiń jáne (nemese) Qazaqstan Respýblıkasy Ulttyq qorynyń kiristerin qysqartýǵa nemese shyǵystaryn ulǵaıtýǵa ákep soqtyrsa, qajetti qarjylyq-ekonomıkalyq esepteýler júrgizýdi;

4) halyqaralyq tájirıbeni zertteýdi, salystyrmaly-quqyqtyq taldaý júrgizýdi qamtamasyz etedi.

Zań jobasynyń tujyrymdamasy osy Qaǵıdalarǵa qosymshaǵa sáıkes nysan boıynsha resimdeledi.

5. Zańnamalyq aktini qabyldaý qajettiligi týraly kýálandyratyn dálelderdi baıandaý naqty, jaǵymsyz qubylystar men prosesterdiń tıimdiligi jetkiliksiz qoldanystaǵy zańnamamen baılanysyn jan-jaqty belgileıtin bolýy tıis. Dálelder retinde jaǵdaılardyń qysqasha mán-jaıyn kórsete otyryp, quqyq qoldaný praktıkasyndaǵy úlgilerdi, qorytyndylar men usynystardy keltirý qajet.

6. Zańdy qabyldaýdyń áleýmettik saldaryn boljaǵan kezde onyń jalpy qoǵamnyń damýyna, sol sııaqty onyń jekelegen áleýmettik toptaryna, ómir súrý deńgeıi men sapasyn arttyrýǵa múmkin bolatyn yqpaldy: bilim berý jáne halyqtyń jumyspen qamtylýy deńgeıine, qoǵamnyń áleýmettik qurylymyna, densaýlyq saqtaý qyzmetterine qoljetimdilikke, turǵyn úı jaǵdaılaryn jaqsartýǵa, azamattyq qoǵam ınstıtýttarynyń damýyna yqpaldy taldaý júrgiziledi, bolýy múmkin áleýmettik sıpattaǵy táýekelder jáne basqa da saldar baǵalanady.

7. Zańdy qabyldaýdyń qarjylyq-ekonomıkalyq saldaryn boljaǵan kezde zańdy qabyldaýmen baılanysty mynalar:

1) respýblıkalyq jáne jergilikti bıýdjettiń tikeleı jáne janama shyǵystary;

2) quqyq qoldanýshylardyń jáne zańnamalyq akti normalaryn iske asyrýdyń ózge de sýbektileriniń shyǵystary;

3) respýblıkalyq jáne jergilikti bıýdjettiń kiristeri, sondaı-aq jeke jáne zańdy tulǵalardyń kiristeri;

4) ózge de shyǵystar men kirister, sondaı-aq ózge de ekonomıkalyq tıimdilik (básekeniń damýyna yqpal, kredıt resýrstarynyń qoljetimdiligi, jańa jumys oryndaryn qurý jáne basqa da saldar) baǵalanady.

8. Zańdy qabyldaýdyń ekologııalyq saldaryn boljaǵan kezde zańnamalyq aktini qabyldaý nátıjesinde qorshaǵan ortaǵa áser etýdiń baǵyty, sıpaty men dárejesi baǵalanady.

9. Zańdy qabyldaýdyń quqyqtyq saldaryn boljaý sheńberinde keleshek zańnyń qaralyp otyrǵan saladaǵy qoǵamdyq qatynastardy quqyqtyq retteýdiń qoldanystaǵy tetigine yqpaly, atap aıtqanda, zańnamadaǵy olqylyqtar men qaıshylyqtardyń, tıimsiz jáne deklaratıvti normalardyń bolýy, quqyqtar men mindetterdi iske asyrý tetiginiń bolmaýy baǵalanady.

10. Memlekettik bıýdjetten boljaldy qarjylyq shyǵyndar týraly aqparatqa tıisti qarjylyq esepteýler qosa berilýi tıis.

11. Saldardy boljaǵan kezde keleshek zańnyń memlekettik organnyń strategııalyq josparynyń nysanaly ındıkatorlaryna, kórsetkishterine, táýekelderine yqpaly baǵalanady.

12. Zań jobasynyń daıyndalǵan tujyrymdamasy Komıssııa múshelerine jáne múddeli memlekettik organdarǵa jiberý úshin, sondaı-aq tujyrymdama jobasy boıynsha aldyn ala qorytyndy alý úshin Qazaqstan Respýblıkasynyń Ádilet mınıstrligine jiberiledi.

Eger zań jobasyn jańa redaksııada ázirleý kózdelse, onda Qazaqstan Respýblıka­synyń Ádilet mınıstrligine tujyrymdama jobasymen birge jańa redaksııadaǵy zań jobasynyń aldyn ala mátini engiziledi.

Zań jobasynyń tujyrymdamasy Qazaqstan Respýblıkasynyń Ádilet mınıstrligine túsken kúnnen bastap 3 jumys kúni ishinde Komıssııanyń barlyq múshelerine, kásipkerlik jónindegi ýákiletti organǵa jáne basqa da múddeli memlekettik organdarǵa jiberiledi.

Komıssııa músheleri men múddeli memlekettik organdar Qazaqstan Respýblıkasy Prezıdentiniń Ákimshiligi nemese Qazaqstan Respýblıkasynyń Úkimeti basshylyǵynyń tapsyrmasymen túsken shuǵyl máselelerdi qospaǵanda, zań jobasynyń tujyrym­damasy Komıssııa múshelerine kelip túsken kúnnen bastap 7 jumys kúni ishinde óz eskertýleri men usynystary bolǵan jaǵdaıda, olardy Qazaqstan Respýblıkasynyń Ádilet mınıstrligine usynady, al kásipkerlik jónindegi ýákiletti organ jáne Ulttyq kásipkerler palatasy retteýshilik áserge taldaý jasaý qajettigi nemese qajet emestigi týraly qorytyndyny usynady.

13. Zań jobasy tujyrymdamasynyń jobasy boıynsha ony Qazaqstan Respýblıka­synyń Ádilet mınıstrligine engizgen kezden bastap 15 jumys kúninen aspaıtyn merzimde Qazaqstan Respýblıkasynyń Ádilet mınıstrligi zań jobasy tujyrymdamasynyń osy Qaǵıdalardyń 4 jáne 15-tarmaqtarynda belgilengen talaptarǵa sáıkestigin kórsetetin aldyn ala qorytyndy daıyndaıdy. Zań jobasynyń tujyrymdamasy kórsetilgen tarmaqtyń talaptaryna sáıkes kelmegen kezde ázirleýshi ony pysyqtaýdy qamtamasyz etýi tıis.

Qazaqstan Respýblıkasy Ádilet mınıstrliginiń zań jobasynyń tujyrymdamasy boıynsha aldyn ala qorytyndysyna Komıssııa músheleri men múddeli memlekettik organdardyń eskertýleri men usynystary qosa beriledi.

14. Qazaqstan Respýblıkasynyń Ádilet mınıstrligi Komıssııa músheleri men múddeli memlekettik organdardyń eskertýleri men usynystary eskerile otyryp, pysyqtalǵan zań jobasynyń tujyrymdamasyn Komıssııa otyrysyna shyǵarady. Eger ýákiletti organ Komıssııa músheleriniń, múddeli memlekettik organdardyń eskertýlerimen jáne usynystarymen kelispese, onda tıisti eskertýler men usynystar Komıssııa otyrysynda talqylanýǵa jatady.

Komıssııa otyrysynda zań jobasy tujyrymdamasynyń jobasymen birge Qazaqstan Respýblıkasy Ádilet mınıstrliginiń aldyn ala qorytyndysy qaralady.

15. Komıssııa:

qoldanystaǵy zańnamada rettelgen qoǵamdyq qatynastardy reglamentteýdi kózdeıtin;

quqyqtyń negiz qalaýshy qaǵıdattaryna (adam quqyqtarynyń basymdylyǵy, zańdy­lyq, teń quqyqtylyq, ádilettik jáne t.b.) qaıshy keletin;

retteý nysanasy Qazaqstan Respýblıkasy Konstıtýsııasynyń 61-babynyń 3-tarma­ǵyna sáıkes kelmeıtin;

retteýshilik áserge taldaý júrgizilmegen, biraq ony júrgizý qajettigi Kásipkerlik kodeksinde kózdelgen zań jobalarynyń tujyrymdamalaryn maquldamaıdy.

16. Ýákiletti organdar zań jobalaryn Qazaqstan Respýblıkasy Úkimetiniń zań jobalaý jumystarynyń aǵymdaǵy josparyn jáne Zań shyǵarmashylyq jumystyń tujyrymdamalyq josparyn oryndaý úshin, sondaı-aq Qazaqstan Respýblıkasy Prezıdentiniń, Prezıdenttiń tapsyrmasyna negizdeletin Prezıdent Ákimshiligi Basshy­synyń nemese Qazaqstan Respýblıkasy Premer-Mınıstriniń tapsyrmasy boıynsha jospardan tys tártippen ázirleıdi.

Eger ýákiletti organ bıýdjettik qarajat pen granttar esebinen zań jobasyn ázirleýge tapsyrys berse, onda ýákiletti organ tıisti qarjy jylyna arnalǵan respýblıkalyq bıýdjettiń jobasyn qalyptastyrý kezeńinde zań jobasyn ázirleýge bir mezgilde bıýdjettik ótinim berýmen bir mezgilde ony ázirleýdiń oryndylyǵy turǵysynan Komıssııa qorytyndysyn beredi.

17. Zań jobasyn ázirleýshi ýákiletti organ zań jobasyn daıyndaý jónindegi jumys tobyn qurady. Zań jobasyn daıyndaýǵa zań jobasyn daıyndaıtyn ýákiletti organnyń zań bólimsheleriniń qyzmetkerleri mindetti túrde qatysýy tıis.

Zań jobasyn ázirleý jónindegi jumys tobynyń quramyna «Qazaqstan Respýblıkasy Zańnama ınstıtýty» memlekettik mekemesiniń qyzmetkerleri tartylady, sondaı-aq belgili bir quqyq salasynyń ǵylymı-zertteý ınstıtýttarynyń, úkimettik emes uıym­dardyń, qoǵamdyq birlestikterdiń ókilderi, Qazaqstan Respýblıkasy Parla­mentiniń depýtattary jáne olarmen kelisim boıynsha ǵylymnyń tıisti salalarynyń ǵalymdary engizilýi múmkin.

Jeke kásipkerlik sýbektileriniń múddelerin qozǵaıtyn zań jobalaryn ázirleý kezinde jumys tobynyń quramyna Ulttyq kásipkerler palatasynyń jáne jeke kásip­kerlik sýbektileriniń akkredıttelgen birlestikteriniń ókilderi mindetti túrde engiziledi.

18. Zań jobasy onyń Komıssııa maquldaǵan tujyrymdamasyna qatań sáıkestikpen ázirlenýi tıis. Bul talap zań jobasyn Qazaqstan Respýblıkasynyń Úkimetine engizý satysyna deıin qoldanylady. Qazaqstan Respýblıkasynyń Úkimeti men Qazaqstan Respýblıkasy Prezıdentiniń Ákimshiligi basshylyǵynyń tapsyrmasy boıynsha zań jobasyna tujyrymdamalyq ózgerister men tolyqtyrýlar engizilýi múmkin.

19. Zań jobalaryn ázirleıtin ýákiletti organdar Qazaqstan Respýblıkasy Parlamentine engizgenge deıin olardyń negizgi erejelerin túsindirý jáne talqylaý maqsatynda olar boıynsha memlekettik organnyń birinshi basshysynyń sheshimi negizinde jarııa tyńdaýlar ótkizedi.

Jarııa tyńdaýlarǵa memlekettik organnyń birinshi basshysynyń sheshimi boıynsha qoǵamdastyqtyń jáne zańdy tulǵalar birlestikteriniń ókilderi, sondaı-aq úkimet­tik emes uıymdardyń, buqaralyq aqparat quraldarynyń ókilderi, qoǵamdyq keńes­tiń músheleri, Ulttyq kásipkerler palatasynyń, akkredıttelgen kásipkerlik sýbektilerdiń ókilderi, tıisti saladaǵy ǵalymdar men sarapshylar, partııalardyń, onyń ishinde parlamenttik emes partııalardyń ókilderi, sondaı-aq kez kelgen nıet bildir­gen tulǵalar shaqyrylady.

20. Jarııa tyńdaýlar ótkizilgen jaǵdaıda olardy ótkizý týraly aqparat zań jobasyna túsindirme jazbada kórsetiledi.

21. Ýákiletti organdar múddeli memlekettik organdarǵa kelisýge engizetin memlekettik jáne orys tilderinde daıyndalǵan zań jobalaryna mynadaı materıaldar qosa berilýge tıis:

1) zań jobasyn Qazaqstan Respýblıkasy Parlamentiniń Májilisine engizý týraly Úkimet qaýlysynyń jobasy;

2) Úkimet Reglamentiniń talaptaryna sáıkes daıyndalǵan Úkimet qaýlysynyń jobasyna túsindirme jazba;

3) zań jobasy maqsattarynyń, mindetteri men negizgi erejeleriniń jan-jaq­ty sıpattamasymen birge jobany qabyldaý qajettiginiń negizdemesi bar zań joba­syna túsindirme jazbanyń jobasy;

4) zań qabyldanǵan jaǵdaıda yqtımal ekonomıkalyq, áleýmettik, quqyqtyq, ekologııalyq saldarynyń boljamdary. Qabyldanatyn zań qoldanysynyń áleýmettik jáne ekonomıkalyq saldaryn baǵalaý memlekettik josparlaý jónindegi ýákiletti organ bekitken ádistemelik usynymdarǵa sáıkes júzege asyrylady;

5) eger zań jobasyn iske asyrý respýblıkalyq jáne (nemese) jergilikti bıýdjet­terdiń jáne (nemese) Qazaqstan Respýblıkasy Ulttyq qorynyń kiristeriniń qysqarýyna nemese shyǵystarynyń ulǵaıýyna ákep soqsa, qarjylyq-ekonomıkalyq eseptemeler;

6) zań jobasyn múddeli memlekettik organdarmen kelisý paraǵy;

7) zań jobasynyń ǵylymı saraptamasynyń nátıjeleri boıynsha qorytyndy. Zań jobasyn ázirleýshi ǵylymı saraptamanyń qorytyndysymen kelispegen jaǵdaıda, tıisti qorytyndymen kelispeý sebepteriniń jazbasha dáleldi negizderin keltirýi tıis;

8) qoldanystaǵy zańnamalyq aktilerge ózgerister jáne/nemese tolyqtyrýlar engizýdi kózdeıtin zań jobasyna engiziletin ózgerister men tolyqtyrýlardyń tıisti negizdemesimen burynǵy jáne jańa redaksııadaǵy baptardyń salystyrmaly kestesi qosa beriledi;

9) eger zań jobasy jeke kásipkerlik sýbektileriniń múddelerin qozǵasa, zań jobasyna Qazaqstan Respýblıkasy Ulttyq kásipkerler palatasynyń jáne jeke kásipkerlik sýbektileriniń akkredıttelgen birlestikteriniń saraptamalyq qorytyndylary, sondaı-aq qajet bolǵan jaǵdaıda saraptamalyq keńes otyrysynyń hattamasy qosa beriledi. Ázirleýshi saraptamalyq qorytyndymen kelispegen jaǵdaıda, saraptamalyq qorytyndymen kelispeý sebepteriniń dáleldengen jazbasha negizdemelerin keltirýi tıis. Qazaqstan Respýblıkasynyń Ulttyq kásipkerler palatasynyń jáne kásipkerlik sýbektileriniń akkredıttelgen birlestikteriniń qorytyndylary belgilengen merzimde usynylmaǵan jaǵdaıda qosa berilmeıdi;

10) eger zań jobasy azamattardyń quqyqtary, bostandyqtary men mindetterine qatysty bolsa, memlekettik organda qoǵamdyq keńesti qurý «Qoǵamdyq keńester týraly» Qazaqstan Respýblıkasynyń Zańynda kózdelmegen jaǵdaılardy qospaǵanda, oǵan qoǵamdyq keńestiń usynymdary qosa beriledi. Ázirleýshi qoǵamdyq keńestiń usynymdarymen kelispegen jaǵdaıda, usynymdarmen kelispeý sebepteriniń jazbasha negizdemelerin qosa berýge tıis. Qoǵamdyq keńestiń usynymdary belgilengen merzimde usynylmaǵan jaǵdaıda qosa berilmeıdi;

11) Úkimet Reglamentine qosymshaǵa sáıkes nysan boıynsha anyqtama paraǵy;

12) respýblıkalyq jáne jergilikti bıýdjetterdiń jáne (nemese) Qazaqstan Respýblıkasy Ulttyq qorynyń kiristerin qysqartýdy nemese shyǵystaryn ulǵaıtýdy kózdeıtin zań jobalaryna qatysty Respýblıkalyq bıýdjet komıssııasynyń oń sheshiminiń kóshirmesi;

13) tıisti zańnamalyq aktiniń qabyldanýyna baılanysty ózgertilýge nemese kúshi joıyldy dep tanylýǵa jatatyn zańnamalyq aktilerdiń tizbesi;

14) eger zań jobasynyń qoldanylýyn qamtamasyz etý úshin zańǵa táýeldi norma­tıvtik quqyqtyq aktini qabyldaý qajet bolsa, sol zań jobasyn iske asyrý úshin qajetti zańǵa táýeldi normatıvtik quqyqtyq aktilerdiń jobalary (eger mundaı qajettilik bolmasa, bul ilespe hatta kórsetiledi).

Eger zańǵa táýeldi normatıvtik quqyqtyq aktiniń jobasyn ázirleý basqa memlekettik organnyń quzyretine jatatyn bolsa, onda zań jobasyn ázirleýshi organ zańǵa táýeldi aktiniń tıisti jobasyn suratady jáne joǵaryda atalǵan barlyq materıaldarmen bir mezgilde usynady;

15) zań jobasyn (zań jobalaryn) buqaralyq aqparat quraldarynda, sonyń ishinde ınternet jelisinde talqylaý jáne olardy pysyqtaý kezinde qoǵamdyq pikirdi esepke alý nátıjeleri týraly anyqtama;

16) aqparattandyrý salasyndaǵy ýákiletti organ bekitken nysan boıynsha zań jobasyn jarııa talqylaýdyń aıaqtalǵany týraly esep;

17) zań jobasy boıynsha jarııa tyńdaý júrgizilgen jaǵdaıda onyń hattamasy.

Zańdar jobalary Qazaqstan Respýblıkasynyń Ádilet mınıstrligine qaraýǵa jáne kelisýge engizilgen kezde bir mezgilde tujyrymdama jobasyn jáne zańnamalyq akti jobasynyń mátinin ázirleýge «Qazaqstan Respýblıkasynyń Zańnama ınstıtýty» memlekettik mekemesiniń qatysqanyn rastaıtyn qorytyndysy engiziledi.

22. Zań jobasyn kelisý jáne Qazaqstan Respýblıkasy Úkimetiniń qaraýyna engizý tártibi Úkimet Reglamentinde aıqyndalady.

23. Qazaqstan Respýblıkasynyń Ádilet mınıstrligi memlekettik organdardyń zań jobalaý jumysyn úılestirýdi, sondaı-aq osy qyzmetke ádistemelik basshylyq etýdi júzege asyrady.

Qazaqstan Respýblıkasynyń ýákiletti organdarynda zań jobalaý jumysyn uıymdastyrý qaǵıdalaryna qosymsha

Qazaqstan Respýblıkasynyń ýákiletti organy ázirleıtin zań jobasy tujyrymdamasynyń nysany

1. Zań jobasynyń ataýy.

2. Zań jobasyn ázirleý qajettiliginiń negizdemesi.

3. Zań jobasyn qabyldaý maqsattary.

4. Zań jobasyn retteý nysanasy.

5. Zań jobasynyń qurylymy jáne mazmuny.

6. Tıisti saladaǵy zańnamalyq aktilerge júrgizilgen quqyqtyq monıtorıng nátıjeleri.

7. Zań jobasy qabyldanǵan jaǵdaıda boljaldy quqyqtyq jáne áleýmettik-ekonomıkalyq saldar.

8. Basqa zańnamalyq aktilerdi ázirlenip jatqan zań jobasyna bir mezgilde (keıinnen) sáıkes keltirý qajettiligi.

9. Zań jobasy nysanasynyń ózge normatıvtik quqyqtyq aktilermen rettelýi.

10. Qaralyp jatqan másele boıynsha halyqaralyq tájirıbeniń bar bolýy.

11. Zań jobasyn iske asyrýmen baılanysty boljaldy qarjylyq shyǵyndar.

Qazaqstan Respýblıkasy Úkimetiniń

2016 jylǵy 29 jeltoqsandaǵy №907 qaýlysyna qosymsha

Qazaqstan Respýblıkasy Úkimetiniń kúshi joıylǵan

keıbir sheshimderiniń tizbesi

1. «Qazaqstan Respýblıkasynyń ýákiletti organdarynda zań jobalaý jumystaryn uıymdastyrý erejesin bekitý týraly» Qazaqstan Respýblıkasy Úkimetiniń 2003 jylǵy 21 tamyzdaǵy №840 qaýlysy (Qazaqstan Respýblıkasynyń PÚAJ-y, 2003 j., №34, 344-qujat).

2. «Qazaqstan Respýblıkasy Úkimetiniń keıbir sheshimderine ózgerister men tolyq­tyrýlar engizý týraly» Qazaqstan Respýblıkasy Úkimetiniń 2006 jylǵy 14 aqpandaǵy №99 qaýlysymen bekitilgen Qazaqstan Respýblıkasy Úkimeti­niń keıbir sheshimderine engiziletin ózgerister men tolyqtyrýlardyń 8-tarmaǵy (Qazaqstan Respýblıkasynyń PÚAJ-y, 2006 j., №5, 99-qujat).

3. «Qazaqstan Respýblıkasy Ykimetiniń keıbir sheshimderine ózgerister men tolyqtyrýlar engizý týraly» Qazaqstan Respýblıkasy Úkimetiniń 2007 jylǵy 20 naýryzdaǵy №217 qaýlysymen bekitilgen Qazaqstan Respýblıkasy Úkimetiniń keıbir sheshimderine engiziletin ózgerister men tolyqtyrýlardyń 2-tarmaǵy (Qazaqstan Respýblıkasynyń PÚAJ-y, 2007 j., №9, 105-qujat).

4. «Qazaqstan Respýblıkasy Ykimetiniń keıbir sheshimderine ózgerister men tolyqtyrýlar engizý týraly» Qazaqstan Respýblıkasy Úkimetiniń

2009 jylǵy 4 maýsymdaǵy №822 qaýlysymen bekitilgen Qazaqstan Respýblıkasy Úkimetiniń keıbir sheshimderine engiziletin ózgerister men tolyqtyrýlardyń 3-tarmaǵy (Qazaqstan Respýblıkasynyń PÚAJ-y, 2009 j., №29, 255-qujat).

5. «Qazaqstan Respýblıkasy Ykimetiniń keıbir sheshimderine ózgerister men tolyqtyrýlar engizý týraly» Qazaqstan Respýblıkasy Úkimetiniń 2009 jylǵy 25 jeltoqsandaǵy №2206 qaýlysymen bekitilgen Qazaqstan Respýblıkasy Úkimetiniń keıbir sheshimderine engiziletin ózgerister men tolyqtyrýlardyń 4-tarmaǵy (Qazaqstan Respýblıkasynyń PÚAJ-y, 2010 j, №2, 16-qujat).

6. «Qazaqstan Respýblıkasy Úkimetiniń keıbir sheshimderine ózgerister men tolyqtyrýlar engizý jáne keıbir sheshimderiniń kúshi joıyldy dep taný týraly» Qazaqstan Respýblıkasy Úkimetiniń 2010 jylǵy 23 maýsymdaǵy №632 qaýlysymen bekitilgen Qazaqstan Respýblıkasy Úkimetiniń keıbir sheshimderine engiziletin ózgerister men tolyqtyrýlardyń 2-tarmaǵy (Qazaqstan Respýblıkasynyń PÚAJ-y, 2010 j., №39, 347-qujat).

7. «Qazaqstan Respýblıkasy Ykimetiniń keıbir sheshimderine ózgerister men tolyqtyrýlar engizý týraly» Qazaqstan Respýblıkasy Úkimetiniń 2011 jylǵy 5 sáýirdegi №359 qaýlysymen bekitilgen Qazaqstan Respýblıkasy Úkimetiniń keıbir sheshimderine engiziletin ózgerister men tolyqtyrýlardyń 1-tarmaǵynyń 3) tarmaqshasy (Qazaqstan Respýblıkasynyń PÚAJ-y, 2011 j., №29, 364-qujat).

8. «Qazaqstan Respýblıkasy Ykimetiniń keıbir sheshimderine ózgerister men tolyqtyrýlar engizý týraly» Qazaqstan Respýblıkasy Úkimetiniń 2011 jylǵy 27 mamyrdaǵy №590 qaýlysymen bekitilgen Qazaqstan Respýblıkasy Úkimetiniń keıbir sheshimderine engiziletin ózgerister men tolyqtyrýlardyń 3-tarmaǵy (Qazaqstan Respýblıkasynyń PÚAJ-y, 2011 j., №40, 506-qujat).

9. «Qazaqstan Respýblıkasy Úkimetiniń keıbir sheshimderine ózgerister men tolyqtyrýlar engizý jáne keıbir sheshimderiniń kúshi joıyldy dep taný týraly» Qazaqstan Respýblıkasy Úkimetiniń 2011 jylǵy 16 qyrkúıektegi №1067 qaýlysymen bekitilgen Qazaqstan Respýblıkasy Úkimetiniń keıbir sheshimderine engiziletin ózgerister men tolyqtyrýlardyń 2-tarmaǵy (Qazaqstan Respýblıkasynyń PÚAJ-y, 2011 j., №54, 767-qujat).

10. «Qazaqstan Respýblıkasy Úkimetiniń «Qazaqstan Respýblıkasy Ykimetiniń Reglamenti týraly» 2002 jylǵy 10 jeltoqsandaǵy №1300 jáne «Qazaqstan Respýblıkasynyń ýákiletti organdarynda zań jobalaý jumystaryn uıymdastyrý erejesin bekitý týraly» 2003 jylǵy 21 tamyzdaǵy №840 qaýlylaryna ózgerister men tolyqtyrýlar engizý týraly» Qazaqstan Respýblıkasy Úkimetiniń 2013 jylǵy 5 naýryzdaǵy №213 qaýlysynyń 1-tarmaǵynyń 2) tarmaqshasy (Qazaqstan Respýblıkasynyń PÚAJ-y, 2013 j., №19, 326-qujat).

11. «Qazaqstan Respýblıkasy Ykimetiniń keıbir sheshimderine ózgerister men tolyqtyrýlar engizý týraly» Qazaqstan Respýblıkasy Úkimetiniń 2013 jylǵy 29 mamyrdaǵy №541 qaýlysymen bekitilgen Qazaqstan Respýblıkasy Úkimetiniń keıbir sheshimderine engiziletin ózgerister men tolyqtyrýlardyń 3-tarmaǵy (Qazaqstan Respýblıkasynyń PÚAJ-y, 2013 j., №35, 521-qujat).

12. «Qazaqstan Respýblıkasy Ykimetiniń keıbir sheshimderine ózgerister men tolyqtyrýlar engizý týraly» Qazaqstan Respýblıkasy Úkimetiniń

2013 jylǵy 31 jeltoqsandaǵy №1524 qaýlysymen bekitilgen Qazaqstan Respýblıkasy Úkimetiniń keıbir sheshimderine engiziletin ózgerister men tolyqtyrýlardyń 2-tarmaǵy (Qazaqstan Respýblıkasynyń PÚAJ-y, 2013 j., №78, 1037-qujat).

13. «Qazaqstan Respýblıkasy Úkimetiniń keıbir sheshimderine jáne «Zań shyǵarý qyzmetin odan ári jetildirý jónindegi sharalar týraly» Qazaqstan Respýblıkasy Premer-Mınıstriniń 2009 jylǵy 2 aqpandaǵy №15-ó ókimine ózgerister men tolyqtyrýlar engizý týraly» Qazaqstan Respýblıkasy Úkimetiniń 2014 jylǵy 30 jeltoqsandaǵy №1401 qaýlysymen bekitilgen Qazaqstan Respýblıkasy Úkimetiniń keıbir sheshimderine jáne «Zań shyǵarý qyzmetin odan ári jetildirý jónindegi sharalar týraly» Qazaqstan Respýblıkasy Premer-Mınıstriniń 2009 jylǵy 2 aqpandaǵy №15-ó ókimine engiziletin ózgerister men tolyqtyrýlardyń 6-tarmaǵy (Qazaqstan Respýblıkasynyń PÚAJ-y, 2014 j., №83-84, 722-qujat).

14. «Qazaqstan Respýblıkasy Ykimetiniń keıbir sheshimderine ózgerister men tolyqtyrýlar engizý týraly» Qazaqstan Respýblıkasy Úkimetiniń 2015 jylǵy 24 sáýirdegi №288 qaýlysymen bekitilgen Qazaqstan Respýblıkasy Úkimetiniń keıbir sheshimderine engiziletin ózgerister men tolyqtyrýlardyń 2-tarmaǵy (Qazaqstan Respýblıkasynyń PÚAJ-y, 2015 j., №24-25, 149-qujat).

15. «Qazaqstan Respýblıkasy Ykimetiniń keıbir sheshimderine ózgerister men tolyqtyrýlar engizý týraly» Qazaqstan Respýblıkasy Úkimetiniń 2015 jylǵy 28 jeltoqsandaǵy №1088 qaýlysymen bekitilgen Qazaqstan Respýblıkasy Úkimetiniń keıbir sheshimderine engiziletin ózgerister men tolyqtyrýlardyń 2-tarmaǵy (Qazaqstan Respýblıkasynyń PÚAJ-y, 2015 j., №72-73-74, 545-qujat).

________________________________________________________________________