Halyqaralyq 4Service Group zertteý kompanııasynyń málimetinshe, 2017 jyly Qazaqstanda mobıldi baılanysqa 1000-2000 teńge jumsaıtyndardyń sany 12 paıyzǵa artqan. Al aıyna 2000-3000 teńge jumsaıtyndar sany 2 paıyzǵa kóbeıgen. Al 5000 teńgeden artyq jumsaýshylar sany 1 paıyzǵa artqan.
Mobıldi ınternet qoldanýshylar sany aıtarlyqtaı ósti. Máselen, ótken jyly ár besinshi adam mobıldi ınternetti tutynbaıtyn bolsa, bıyl eldegi ár altynshy adam telefonnan ınternetke kirmeıtin bolyp shyqty.
Sonymen qatar tutynylatyn trafıktiń kólemi de kóbeıgen. Aıyna 6Gb ınternet tutynatyndar sany jalpy tutynýshylardyń 33 paıyzy bolsa, bul byltyrǵy jylmen salystyrǵanda 9 paıyzǵa artyq. Al aıyna 1 Gbt-tan az ınternet paıdalanatyndar sany 12 paıyzǵa azaıǵan. Mobıldi ınternetti eń kóp paıdalanatyndar (aıyna 6 Gbt-tan artyq jumsaıtyndar) Altel men Tele2 operatorlaryna tıesili. Olardyń úlesi tıisinshe 50% jáne 46%.