Ýorton ýnıversıteti Y&R kompanııasymen birlesip 80 memlekettiń ishinde bıznes ashý úshin eń ońaı 9 eldi anyqtady. Atalǵan segiz el álemniń ishki jalpy óniminiń 95 paıyzyna ıelik etedi. Tizimdi qurý barysynda óndiristik shyǵyn, bıýrokratııa deńgeı, salyq, memlekettiń bızneske qatysty saıasatynyń ashyqtyǵy men jemqorlyq deńgeıi sekildi birneshe faktorlar eskerildi.
1. Panama — Ortalyq Amerıkada bıznes ashý ońaı jalǵyz memleket. Panamany jurt “salyq jumaǵy” dep te ataıdy. Bul elge álem kapıtaly aǵylyp keledi. Salyq máselesi eń ońaı bul el tizimdi qurýda 10 balldan 10 alyp tizimniń kósh basyna shyqty. Degenmen, Panama bir jaǵynan jemqorlyqpen de aty shyqqan.
2. Lıýksembýrg — Batys Eýropadaǵy shaǵyn elde de salyq jaǵy ońaı. Sol sebepti álemniń barlyq elinen kásipkerler munda jumys isteýge qushtar.
3. Shveısarııa tarıhı turǵyda kásipkerlik úshin eń jaıly elderdjiń biri. Salyq klımaty, memlekettiń saıasatynyń ashyqtyǵy men jemqorlyqtyń azdyǵy elde jumys isteýge múmkindik beredi. Sonymen qatar, bul el ómir súrý sapasynyń joǵarylyǵymen de erekshelenedi.
4. Danııa da Soltústik Eýropa elderine saı erekshelikterdi ıelene otyryp, jemqorlyqtyń azdyǵy, saıasattyń ashyqtyǵy men bilikti jumys kúshiniń arqasynda kásipkerlikke qolaıly orta usynady.
5. Fınlıandııa Norvegııa men Shvesııa sekildi ekonomıkanyń skandınavııalyq úlgisin ustana otyryp memlekettiń bızneske qatysty saıasatynyń ashyqtyǵy men jemqorlyqtyń azdyǵynyń arqasynda bıznesti jaqsy júrgizip otyr.
6. Shvesııa bıznesi Norvegııa sekildi kapıtalızm men erkin naryqqa negizdeledi. Salyq kóleminiń kóptigine qaramastan bul el tizimniń joǵarǵy jaǵynan kórinip otyr.
7. Kanada Soltústik Amerıka boıynsha bul tizimge kirgen jalǵyz memleket. Bul eldiń basty erekshelikteriniń biri joǵary tehnologııa. Bul óz kezeginde jumys kúshiniń biliktiligine oń áser etedi. Bul elde qyzmet kórsetý salasy ekonomıkanyń negizgi qozǵaýshy kúshi.
8. Jańa Zelandııa negizinen týrızm salasymen jáne eksporttyń kúshtiligimen erekshelenedi. Ásirese aýyl sharýashylyǵy eksporty qýatty.
9. Norvegııa salyǵynyń kóptigine qaramastan bızneske qolaıly elderdiń tizimine kirdi. Bul eldegi salyq eldiń IJО́-niń 40-45 paıyzyn quraıdy. Soǵan saı memleket te jemqorlyqty barynsha azaıtyp, bızneske qatysty memleket saıasatynyń ashyqtyǵyn qamtamasyz etken.