Ákimniń dóreki qylyǵy

Memlekettik qyzmet isteri jáne sybaılas jemqorlyqqa qarsy is-qımyl agenttiginiń oblystyq departamentiniń basshysy, Ádep jónindegi keńestiń tóraǵasy Ǵalym Tursynbaevtyń jetekshiligimen ótken otyrysqa  memlekettik qyzmet salasyndaǵy baqylaý departamentiniń dırektory – ádep jónindegi ýákil Qýanysh Japaqov qatysty.

Kún tártibine bes másele shyǵarylyp, aldymen jergilikti polısııa qyzmetiniń bastyǵy Qanat Aıtbaev pen ákimshilik polısııa basqarmasy jetekshisiniń orynbasary Bolat Jeksenbınovtiń esepteri tyńdaldy. Keńes músheleri quqyqtyq-normatıvtik aktiler boıynsha turaqty monıtorıng júrgizip otyrýdy, jumys tıimdiligin arttyrýǵa turaqty nazar aýdarýdy, Ádep kodeksi talaptaryn qatań saq­taýdy, ujym arasynda quqyqtyq saý­attylyqty udaıy jetildirýdi, tártip pen talapty bosańsytpaýdy tapsyrdy.

Keńeste esep bergen Aqqaıyń aýdany ákiminiń mindetin atqarýshy Erkin Jaqypovtyń atyna birqatar syn­dar aıtyldy. Ádep normalaryn bur­ma­laǵany úshin eki memlekettik qyz­met­shi ákimshilik jazaǵa tartylǵan. Al­daǵy ýaqytta bıýdjettik zań norma­la­ryn burmalamaý, jumys sapasyn ny­ǵaıtý atap kórsetildi. Qala ákiminiń oryn­basary Qaırolla Ǵaleev turǵyn úı-kommýnaldyq sharýashylyq, jer qa­ty­nastary, qurylys jáne qala q­u­ry­lysy máseleleri boıynsha aqpar ber­di.

Kún tártibine Esil aýdany Torańǵul aýyldyq okrýginiń ákimi Bıbigúl Er­mek­baıdyń máselesi shyǵarylǵanda tal­qylaý qyzyp sala berdi. Jergilikti she­neýniktiń keńes aldynda jaýap be­rýine aýyl turǵyny Dına Ivanovanyń sha­­ǵymy túrtki bolǵan. Tekserý ná­tı­je­leri ákimniń memlekettik qyz­met­shi­g­e qatysty ádep talaptaryn óre­s­kel bu­z­ǵ­a­nyn kórsetip berdi. Elbasy Jol­daýyn talqylaý jınalysynda tur­ǵyn­darǵa dóreki minez tanytqan. Ony jaý­ap­k­erdiń ózi moıyndaǵanymen, balaǵat sózder aıtpaǵanyna sendirýge tyrysty.

Alaıda, keńes músheleri kópshilik daýys­pen ony qyzmetinen bosatý jóninde sheshim alyp, aýdan ákiminiń qaraýyna jiberdi.

О́mir ESQALI,

«Egemen Qazaqstan»

Soltústik Qazaqstan oblysy