Smartfondar negizgi jáne frontaldy kameralarmen jaraqtandyrylǵan, megapıkselderi sáıkesinshe - 12 jáne 8. Samsung-tiń jańa flagmanynyń kólemi negizgi básekelester iPhone 7 jáne iPhone 7 Plus-terden birshama úlkenirek. S8-diń ekrany - 5,8, al S8+ - 6,2 dıýım, dep habarlaıdy Qazaqparat.
Telefon jadynyń kólemi - 64 gıgabaıt, operatıvti jady 8 gıgabaıtty quraıdy. Jańa modelderde Apple-diń Siri servısine uqsas dybystyq assıstent - Bixby bolady.
AQSh-ta smartfondar satylymǵa 2017 jyldyń 21 sáýiri kúni shyǵady.
Eske salaıyq, 2016 jyldyń qazanynda Samsung kompanııasy Galaxy Note 7-men bolǵan túıitkilderge baılanysty Galaxy S8-diń shyǵarylymyn toqtatqan bolatyn. Atalmysh modeldi telefondar qýattaý kezinde jarylyp, jana bastaıtyn. Nátıjesinde, óndirýshi kompanııa 2016 jyldyń qyrkúıeginde 2,5 mıllıon smartfondy álemdik naryqtan qaıtaryp aldy.