Sheteldikterdiń Qazaqstan naryǵyna kirýi úshin qandaı talaptar qoıylatyny týraly Eýropalyq odaq jobasy jetekshisi Svetlana Áljanova aıtyp berdi, dep habarlaıdy LS.
Qazaqstannyń DSU aldyndaǵy mindettemesine saı, bes jyldan keıin sheteldik bankter bizdiń elde bólimshelerin asha alady.
"Qazaqstandyq emes bankterdiń óz bólimshelerin Qazaqstanda ashý úshin olardyń aktıvi 20 mlrd dollardan asýy kerek jáne jeke tulǵalardan qabyldaıtyn depozıtterdiń mınımaldy kólemi 120 myń dollardan asýy kerek", - dedi joba jetekshisi.
Áljanovanyń aıtýynsha, sheteldik bankter elde tikeleı bólimshe ashý úshin Qazaqstan olardy aksıonerli qoǵam retinde tirkelýin talap etedi.
Al sheteldik saqtandyrý kompanııalary úshin de osyndaı talaptar bar. Olar da bes jyldan keıin óz bólimshelerin asha alady.
"Olardy keminde Qazaqstannyń eki rezıdenti basqarýy kerek. Sonymen qatar, olardyń aktıvi keminde 5 mlrd dollar bolýy kerek. Budan bólek, Qazaqstan olardyń qyzmet ótiliniń keminde 10 jyl bolýy kerektigi týraly talap qoıa otyryp, belgili bir sektor men saqtandyrý synybyna shekteý jasaı alady", - dedi Áljanova.
Bulardan bólek, keńes berý qyzmeti salasyndaǵy kompanııalarǵa da osy salada keminde bes jyl jumys istegen boýly jáne ondaǵy sheteldik qyzmetkerler sanynyń keminde 25 paıyz bolýy týraly talaptar bar.
О́z kezeginde Qazaqstan olarǵa barlyq qurylys jáne ınjenerlik qyzmetterdi ashyp, tasymaldaý men kýrerlik qyzmetterdi usynady.