Sóz barysynda Elshi Qazaqstan men Ońtústik Koreıa arasyndaǵy kópqyrly yntymaqtastyq barlyq baǵyttarda (ekonomıka, ınvestısııalar, energetıka, mádenıet jáne t.b. salalarda) damyp kele jatqanyn aıtty, dep habarlaıdy QR SIM baspasóz qyzmeti.
«90-shy jyldardyń basynda eki el bir-biri týraly az bilýshi edi, 90-shy jaldardyń ortasynda ekijaqty quqyqtyq bazasyn sapaly jáne perspektıvaly qujattarmen tolyqtyra bastadyq. Osy ǵasyrdyń birinshi onjyldyǵynda biz strategııalyq áriptestik satysyna shyǵyp, qazir Astana men Seýl ony belsendi túrde keńeıtýde» - dedi D. Baqyshev.
2016 jyldyń 9-11 qarashasynda QR Prezıdenti N.Á.Nazarbaevtyń Koreıa Respýblıkasyna jasaǵan memlekettik saparynyń nátıjesi boıynsha qol jetkizilgen ýaǵdalastyqtar iske asyrý aıasynda, sondaı-aq Ońtústik Koreıamen ekijaqty saýda-ınvestısııalyq yntymaqtastyqty odan ári qarqyndatý úshin 2017 jyly Saýda-ekonomıkalyq jáne ǵylymı-tehnıkalyq yntymaqtyq jónindegi Qazaqstan-Ońtústik Koreıa úkimetaralyq komıssııanyń 8-shi otyrysy ótýi josparlanýda.
«Qazaqstan naryǵynda enshisin alǵan úlken koreı bıznesi, koreı eliniń shaǵyn jáne orta bıznesiniń Qazaqstanda ashylýyna sebepshi boldy. Búgin, Qazaqstanda jumys isteıtin birlesken qazaq-koreı kásiporyndarynyń sany 400-den asady, bul kórsetkish óse túsýi kútilýde», - dep atap ótti D. Baqyshev.
Mádenı-gýmanıtarly yntymaqtastyq sheńberinde Elshi búgingi kúni Ońtústik Koreıanyń kóptegen joǵarǵy oqý oryndarynda Eýrazııa jáne Ortalyq Azııa baǵyttaryn, onyń ishinde Qazaqstandy zerteıtin kóptegen kafedralar ashylýda ekenin habarlady. «Mysaly, Ońtústik Koreıa azamattarynyń qazaq tili, elimizdiń mádenıeti men tarıhyn oqýyna múmkindik alatyn Hankýk shet tilder ýnıversıtetinde ashylǵan qazaq tili kafedrasy sııaqty osyndaı bólimsheler bolashaqta, Koreıanyń aldyńǵy qatarly oqý oryndarynda, atap aıtqanda, Hanıan, Kýkmın, Kannam, Adjý jáne basqa ýnıversıtetterinde ashylmaqshy», - dep naqtylady D. Baqyshev.
«EKSPO-2017» Halyqaralyq mamandyrylǵan kórmesine bılet satylymynyń ashylýynan beri Ońtústik Koreıa azamattary Kórmege bılet satyp alǵan, sonyń ishinde onlaın rejım arqyly, tuńǵysh yqtımal qatysýshylar qataryna endi.