Baǵdarlamalaý jaǵyn jaqsy meńgergenmen, bıznes alasyna shorqaqtaý edi. Sol ýaqytta Kókshetaýda Kásipkerlerge qyzmet kórsetý ortalyǵy jumysyn bastaǵan bolatyn. Aldymen ol Bıznes-Keńesshi baǵyty boıynsha oqydy, dep habarlaıdy "Damý" qory.
Sol jyly jas kásipker mektebine qatysyp, mobıldi qosymsha jasaý barysyndaǵy óziniń birinshi bıznes-josparyn ázirledi. Mıdy damytatyn oıyndar ıdeıasynyń kópshilikti qyzyqtyratynyn túsingen soń, grant alýǵa da ótinim berdi. Sóıtip «Qadam» atty mobıldik qosymsha jasaý jobasymen jeńimpaz atandy. Bul qosymsha arqyly jastar logıkalyq oılaý qabiletinin damytyp, óz halqynyń tanym-tárbıesi men mádenıetine tereń úńile alady.
«Dızaınermen birigip eki jylǵa jýyq jumys istedik. Qarjylyq qıyndyqtarǵa baılanysty jumysty keıinge qaldyrýǵa da týra keldi. Oıymyzda taza qazaqy naqyshta, balalarǵa arnalǵan 3 tildegi mobıldi qosymsha jasaý boldy. Qazir oıyn qosyldy. Tanymal bola bastady. Uıaly telefonǵa júktep alýǵa bolady. Tabysqa keler bolsaq, joba áli paıda ákele qoıǵan joq. Negizinen tapsyrystar saıt jasaý, mobıldi qosymsha jasaý jóninen túsedi. Ýaqyt óte kele bizdiń mobıldik qosymshalar sapasy artyp, Reseı men shet eldik qosymshalarmen teńdese alady dep senemin»,-deıdi Samat.
Qazirdiń ózinde qosymsha úzdik bestikkke kiredi. Samat qazir 3D kitaptar jasaýdy qolǵa alyp otyr.