Túrkııanyń premer-mınıstri Bınalı Iyldyrym jergilikti telearnalardyń birinde tikeleı efırde kún tártibindegi máselelerge qatysty saýaldarǵa jaýap bere otyryp, ótken jyldyń 24 tamyzynda bastalǵan Túrkııanyń Sırııadaǵy "Evfrat qorǵany" áskerı operasııasynyń toqtatylǵanyn aıtty.
О́z sózinde úkimet basshysy "Evfrat qorǵany" áskerı operasııasy óz mıssııasyn oryndap shyqqanyn aıtty, dep habarlaıdy Hurriyet basylymy.
Iyldyrymnyń aıtýynsha, qajettilik bolǵan jaǵdaıda eldiń áskerı kúshi transshekaralyq aımaqtarǵa shoǵyrlandyrylýy múmkin.
Atalǵan operasııa barysynda Túrkııa Evfrat ózeniniń jaǵasyndaǵy Djarablýs qalasyn alyp, ony "Islam memleketi" (Qazaqstanda tyıym salynǵan terrorlyq uıym) lańkesterinen tazartty. Odan keıin Túrkııa áskeri ońtústiktegi ál-Babý qalasyna ornalastyryldy.
Qazirgi tańda aımaqta Túrkııa áskeri áli de bar, degenmen, naqty qansha ekeni ázirge belgisiz qalyp otyr, dep jazady basylym.