Brıtanııanyń Global Project Capital Ltd» kompanııasy Mańǵystaýdyń ınfraqurylym jáne kólik nysandarynyń qurylysyna qarjy salýǵa daıyn, dep habarlaıdy oblys ákimdiginiń baspasóz qyzmeti.
Mańǵystaý oblysy ákimi Eraly Toǵjanov pen Global Project Capital Ltd» kompanııasynyń bas dırektory Kennet Fýlton ózara túsinistik týraly memorandýmǵa qol qoıdy.
Qujatta Aqtaý qalasy aýmaǵyndaǵy ınfraqurylymdyq jáne kólik nysandarynyń qurylysynda yntymaqtastyq ornatý jaıy qarastyrylǵan. О́z kezeginde jergilikti bılik 800 gektar jerdi jalǵa berip, ınjenerlik ınfraqurylymmen qamtamasyz etpek.
„Global Project Capital Ltd“ kompanııasy oblystyń áleýmettik damýyna qarjy salýǵa ózi usynys tastaǵan. Búgin biz týrıstik shaǵyn aýdan qurylysy jobasyn bastap kettik. Onda medısınalyq mekemeler, mektep, saýyq jáne saýda oryndary bolmaq", - dedi oblys ákimi.
Josparlanǵan nysandar qatarynda sý tazartýda jańa tehnorlogııalar paıdalaný, Aqtaý halyqaralyq áýejaıy men Aqtaý halyqaralyq teńiz taýar portyn damytý, energetıka tasymaly sekildi jobalar bar. Sonymen qatar, densaýlyq saqtaý jáne bilim berý nysandary qurylysy men aýyl sharýashylyǵy nysandary jáne iri týrıstik oryndar salý josparlanǵan.
Jobanyń birinshi kezeńine 500 mln dollar bólinedi.