Májilisti ashyp, júrgizgen «OJET» fılıalynyń dırektory S.Goldshteın sóz kezegin «KEGOC» AQ Basqarma tóraǵasy Baqytjan Qajıevke usyndy.
Kezdesý barysynda kompanııa basshysy kompanııanyń UET-ty damytý jáne Qazaqstan BEJ-iniń senimdi jumys isteýin qamtamasyz etý jónindegi mindetterdiń tıimdi oryndalyp jatqanyna toqtaldy. Baqytjan Tóleýqajyuly iri ınvestısııalyq jobalar iske asyrylyp, qyzmet tıimdiligin arttyrý boıynsha aıtarlyqtaı jumys júrgizilgenin, personaldardy damytýǵa jáne ujymnyń áleýmettik máselelerin sheshýge úlken kóńil bólinetindigin atap ótti.
Máselen, 2016 jyly «500kV Soltústik-Shyǵys-Ońtústik tranzıtin salý» aýqymdy jobasynyń birinshi kezegi – joǵary voltty 500 kV Ekibastuz-Shúlbi EES (Semeı) – О́skemen jelileri josparlanǵan merziminen bir jyl buryn paıdalanýǵa berilgen.
О́tken jylǵy qarjylyq nátıjeler aksııalary asa ótimdi jáne ınvestorlar tarapynan qyzyǵýshylyq bar «KEGOC» AQ aksıonerleriniń úmitin aqtady. Búgingi kúni «KEGOC» aksııalary KASE-de bir aksııa úshin 1300 teńge baǵa sheginen asyp tústi, bul ornalastyrý baǵasynan 150 paıyzdan artyq.
Áleýmettik-eńbek qarym-qatynastaryn damytý sheńberinde KEGOC-ta qolaıly jáne qaýipsiz eńbek jaǵdaılary jasalady. Ujymdyq shartpen retteletin áleýmettik baǵdarlamalar iske asyrylady. О́tken jylǵy qyrkúıekte kásipodaq konferensııasynda «KEGOC» AQ pen onyń eńbek ujymy arasynda eńbek zańnamasyndaǵy ózgerister men qyzmetkerlerdiń múddelerin eskere otyryp jasalǵan 2016-2020 jyldarǵa arnalǵan jańa ujymdyq shart bekitildi.
Kompanııanyń 82 paıyzdy quraıtyn ózgermeıtin joǵary áleýmettik turaqtylyq reıtıngi, sonymen qatar, ÁBQ personalynyń qatystyrylý dárejesiniń 5 paıyzǵa ósip 73 paıyzdy quraǵany kompanııanyń áleýmettik saıasatynyń tabysty ekenin dáleldeıdi.
Kompanııa ujymy keshendi jáne aýqymdy bıznesti transformasııalaý baǵdarlamasyn tabysty iske asyrýdy jalǵastyrýda.
Baqytjan Qajıev kompanııanyń damýy Qazaqstannyń órkendeýimen jáne Elbasynyń «Qazaqstannyń Úshinshi jańǵyrýy: jahandyq básekelestikke qabilettilik» atty Qazaqstan halqyna Joldaýynda aıtylǵan basymdyqtarmen úzdiksiz baılanysty ekenin atap ótti.
Ulttyq kompanııa basshysy bes negizgi basymdyqtardan turatyn Qazaqstannyń úshinshi jańǵyrýyn iske asyrýǵa kiriskenin atap ketti. Olar: ekonomıkany jedeldetilgen tehnologııalyq jańǵyrtý, bıznes ortany túbegeıli jaqsartý men keńeıtý, makroekonomıkalyq turaqtylyq, adamı kapıtaldyń sapasyn jaqsartý, sondaı-aq, ınstıtýttyq túrlený, qaýipsizdik jáne jemqorlyqqa qarsy kúres.
Bul basym baǵyttardy iske asyrý – negizgi strategııalyq maqsat, álemniń eń damyǵan 30 eliniń qataryna kirý jolynda senimdi irgetas qalaýdy qamtamasyz etedi.
– Elimizdiń jańa tehnologııalyq qurylymyn jasaý jónindegi strategııasynda biz óz ornymyzdy alýymyz kerek, – dep atap ótti «KEGOS» AQ Basqarma tóraǵasy. – Bul maqsatty iske asyrý úshin Kompanııada barlyq múmkindikter bar: tájirıbeli top-menedjment, joǵary bilikti qyzmetkerler, iri kólemdi ınvestısııalyq jobalardy iske asyrýdaǵy úlken tájirıbe, aldyńǵy qatarly jáne zamanaýı tehnologııalar.
Kezdesý barysynda Baqytjan Qajıev ústimizdegi jyldyń naýryzynda qabyldanǵan «Qazaqstan Respýblıkasynyń Konstıtýsııasyna ózgerister men tolyqtyrýlar engizý týraly» Zań elimizdiń negizgi saıası ınstıtýttary – Prezıdent, Úkimet jáne Parlament arasyndaǵy ókilettikterdi neǵurlym anyǵyraq bólýge baǵyttalǵanyna qyzmetkerlerdiń nazaryn aýdardy.
Konstıtýsııalyq reformanyń jáne Memleket basshysynyń Joldaýyn iske asyrýdyń tutas nátıjesi Qazaqstan ekonomıkasynyń jańa ǵalamdyq naqtylyǵyndaǵy ornyn anaǵurlym kúsheıtedi, dep atap ótti «KEGOC» AQ Basqarma tóraǵasy.
«KEGOC» AQ Qazaqstan Respýblıkasy Birtutas elektr energetıkalyq júıesiniń Júıelik operatory fýnksııalaryn atqarady, Ulttyq elektr torabynyń (UET) aktıvterine ıelik etedi jáne basqarady. Negizgi qyzmet túrleri tabıǵı monopolııalar salasyna jatady. Kompanııanyń balansynda UET-ty qurap turatyn uzyndyǵy shamamen 25 000 km bolatyn 0,4-1150 kV elektr jetkizý jelileri men transformatorlarynyń belgilengen qýaty 36,7 GVA 78 qosalqy elektr stansalary bar. Kompanııada 4,7 myńnan astam adam jumys isteıdi.
Baqtııar TAIJAN,
«Egemen Qazaqstan»
Ońtústik Qazaqstan oblysy