Búgin Úkimet úıinde Qazaqstan Respýblıkasynyń Premer-Mınıstri Baqytjan Saǵyntaev Qazaqstan Respýblıkasynyń 2025 jylǵa deıingi strategııalyq damý josparyn ázirleý máseleleri jóninde keńes ótkizdi.
Keńes barysynda elimizdiń 2025 jylǵa deıingi áleýmettik-ekonomıkalyq damýynyń basymdyqty baǵyttary, kútiletin nátıjeleri men kezeńdik maqsatty baǵdarlary talqylandy, dep jazady pm.kz.
Ekonomıkalyq ósimniń jańa úlgisin qurý men ortasha merzimdi keleshekte el damýynyń júıeli ári turaqty saıasatyn júrgizý maqsatynda Memleket basshysy N. Nazarbaev óz joldaýynda Úkimetke «Qazaqstannyń ulttyq tehnologııalyq bastamasy» atty 2025 jylǵa deıingi Qazaqstan damýynyń strategııalyq josparyn ázirleýdi tapsyrdy. Álemniń ozyq damyǵan 30 eliniń qataryna qosylý úshin ósimniń jańa úlgisi ekonomıka ósiminiń jyldyq ortasha qarqynyn 5-6% deńgeıine jetkizýge baǵyttalatyn bolady.