Jıynǵa Qazaqstan Qarýly Kúshteri Bas shtabynyń uıymdastyrý-jumyldyrý jumystary departamentiniń basshysy, general-maıor Múslim Daıyrov, Bas shtabtyń uıymdastyrý-jumyldyrý jumystary departamenti basshysynyń orynbasary – tolymdaý basqarmasynyń basshysy, polkovnık Amantaı Úserbaev, Qorǵanys mınıstrligi áskerı-dárigerlik komıssııa ortalyǵynyń basshysy, polkovnık Qanat Sultanǵazın jáne Qarýly Kúshterdiń áskerı polısııasy bas basqarmasynyń basshysy, polkovnık Tileýhan Basqojaev qatysty.
Spıkerler kóp ata-analardy alańdatyp otyrǵan áskerı álimjettiktiń joq ekenin atap kórsetti. «Bizdiń Qarýly Kúshterdiń quramynda 70 paıyzdaı kelisimshartpen qyzmet atqaratyn joǵary bilimdi azamattar bar. Solardyń arasynda 30 paıyzdaıy ǵana merzimdi áskerı qyzmetke keletin azamattar. Qazirgi ýaqytta kazarmamyzda barlyq jaǵdaı jasalǵan. Árbir kazarmada beınebaqylaý qoıylǵan. Áskerge kelgen árbir bozbalamen psıholog mamandar júıeli jumys atqarady. Aqparat quraldarynyń barlyǵyna aıta keteıin, bizdiń qazirgi Qarýly Kúshterimizdegi júıeli jumystyń nátıjesinde álimjettik degen joq, – dedi A.Úserbaev.
Er-jigitter bolǵan soń olardyń arasynda túsinispeýshilik oryn alyp jatatyn jaǵdaılar kezdesetini jasyryn emes. Biraq júıeli túrde bolatyn álimjettik joq deýge bolady. «Sondyqtan, barlyq ata-analarǵa aıtarym, balalaryńyzdy qoryqpaı Otan aldyndaǵy boryshyn óteýge jibere berińizder. Sebebi, olar úshin barlyq jaǵdaı jasalǵan», – dedi taǵy da Amantaı Úserbaev.
2017 jyldyń kókteminde Qazaqstan Respýblıkasynyń Qarýly Kúshterine, basqa da áskerleri men áskerı quralymdaryna 1990-1999 jyldary týǵan 16 myńnan asa azamatty shaqyrý josparlanyp otyr.
Raýan Qaıdar,
«Egemen Qazaqstan»