Isker áıelderge arnalǵan joba

Ulttyq ekonomıka mı­nıs­tr­liginiń málimetterine qarasaq, áıel­derdiń basqarýyndaǵy orta já­ne shaǵyn kásipkerlik sany 2016 jyldyń 1 qańtarynda 647,082 adamdy quraǵan, al jalpy elimiz boıynsha 1,530,258 sha­ǵyn jáne orta bıznes sýbektisi qyz­met etedi. Álemniń 20 elin­de ótkizilgen 87 zertteýdiń ná­tı­jelerine sáı­­kes áıelder bas­qa­ratyn kásip­oryn­dar eń tabys­ty bolatyny anyq­tal­ǵ­an. Zert­teý­shiler bıznespen aı­na­­lysatyn áıelder qolastyndaǵy qyz­­m­et­kerleri, qoǵam jáne qorshaǵan or­ta­­nyń qamyn kóbirek oılaıtynyn moı­yndaýda.

Máselen, kópke deıin elimizde «áıelder kásipkerligi» degen uǵymnyń ózine kúmánmen qaraǵan kezeńder bol­dy. Al búginde áıel­der­diń isker­lik keńesteri qu­ry­lyp, kásipker áıel­der­ge ar­nal­ǵan arnaıy bank ónimderi men baǵ­darlamalary paıda bolýda.

Almatyda Qazaqstandaǵy áıelder kásipkerligin damytý jáne qoldaýǵa arnalǵan baspasóz májilisi ótip, onda osy baǵyttaǵy naqty máseleler sóz boldy. Bul máslıhattyń basty jańalyǵy – Astana banki otandyq bank qyzmetteri naryǵynda buryn bol­maǵan «Qyzǵylt jaǵa» atty áleý­mettik jobany jarııa etti.

«Áıelder kóshbasshylyǵy qory» QQ joba jónindegi dırektory Svetlana Bogatyreva, Ortalyq Azııadaǵy «BUU – Áıel­der» qu­ry­ly­mynyń ókili Ileın M.Kon­kıe­vıch, Damý qory bas­qarmasy tó­ra­ǵa­synyń orynbasary Nurlan Aqsha­nov qa­tysqan sharaǵa elimizdegi birqatar ká­sipkerler múddelilik tanytty.

«Áıelder kásipkerliginiń búkil ma­ńyzdylyǵy men ózektiligin tú­sine otyryp, «Qyz­ǵylt jaǵa» atty bi­re­geı jobany iske qosyp otyrmyz. Osy­dan bir jyl buryn áıel­der­ge tıim­di múmkindikter usynatyn tuń­ǵysh kartalardy iske qosqan edik. Ol bizdiń klıentterimiz arasynda úlken suranysqa ıe boldy. Endi sáýir aıynan bastap áıelderge tıe­sili kartalar arqyly taýarlar men qyzmetter qolma-qol aqshasyz tó­lengen jaǵdaıda bank áıelder ara­syndaǵy kásipkerlikti damytý jáne qoldaý úshin klıenttiń jum­saǵan somasynyń 0,7 paıy-

zyn Áıel­der kóshbasshylyǵy qoryna aýdaryp otyratyn bolady. Bul somany bank tolyǵymen óz qarjysy ese­bi­nen tólemek. Nátıjesinde klıent tólem jasaý arqyly áıelder bız­ne­sin damytýǵa óz úlesin qosady. Son­daı-aq, oǵan ádepki mólsherde keshbek somasy qaıtarylady. Qorǵa kó­mek kórsetý úshin, eń bas­tysy, tó­lem áıelderge tıesili kar­tadan ja­sa­lý ke­rek­ti­gin eskerý qajet. Osy­laı­sha ıgi iske klıent te, bank te at­sa­lyspaq», dedi Astana ban­ki bas­qarmasynyń tó­ra­­ǵasy Esken­dir Maılybaev.

Oǵan qosa, áıelderge bıznes júr­gizýge qatysty paıdaly aq­pa­­rat­ty usyný úshin 1 sá-

ý­ir­den bi­re­geı veb-alań iske qo­sylmaq. Saıt­ta áıel­der ká­sip­­kerligin qar­jy­landyrý baǵ­dar­lamalaryna qa­tys­ty búkil aq­parat qamtylatyn bo­lady. Son­-

d­aı-aq, osynda áıelderge ar­nal­ǵan tanymal saıttardy toptas­tyryp, jańalyqtardy qadaǵalaýǵa múm­kindik beretin jańalyqtar ag­reg­atory da qyzmet jasamaq. Ká­sip­ker áıelder jeke blogtaryn júr­gizip, tájirıbesimen, ıdeıalary­men bólisýge, serik­tes­terdi taýyp, qa­jetti baıla­nys­tar ornatýǵa múm­kind­ik al­maq. Sonymen qatar, saıt ar­qy­ly qarjylyq jáne zańgerlik m­áse­le­lerge qatysty keńes alýǵa da bolady. Jeke kásipkerlikti, jaý­­­ap­kershiligi shekteýli serik­tes­­tik­ti nemese bankte shotty qa­laı ashýǵa bolady? Elektrondy sıf­rly qol­tań­bany qalaı alýǵa bo­lady nemese sa­lyq salý úlgisi qalaı toltyrylady? Osy jáne basqa da kóptegen saýal­dardy onlaın-menedjerlerden surap bilýge bolady.

Áıelder kóshbasshylyǵy qory­nyń joba jónindegi dırektory Svet­lana Bogatyrevanyń aıtýynsha, osy joba arqyly Almaty, Astana, Qaraǵandy, Oral jáne Shymk­ent qalalarynda oqý konferen­sııa­lary ótkizilmek. «Biz Almaty qala­synda 3 jyl ishinde jınaqtalǵan tá­ji­rıbe negizinde ıgerilip, kásipker áıel­derdiń qajettilikteri men úmitterin zert­teýge negizdelgen tásildemeni qol­d­anbaqpyz. Osy format aıasynda kásibı spıkerler jáne kásipker áıel­der bizdiń elimizde jınaqtaǵan tá­ji­rıbesimen bólisip, bir-birin oqy­tatyn bolady. Bul tásil ná­tı­jeli eke­nin kórsetti», deıdi S.Bogatyreva.

«Áıelder kóshbasshylyǵy qo­ry­men birge osy jobany júzege asy­rý kezinde biz me­g­ap­olısterdegi áıel­der­di ǵana emes, sondaı-aq, shalǵaı aı­maq­tar­daǵy isker hanymdardy ba­ry­n­sha qamtyp, osy iske tartýdy kózdedik. 5 qalada konferensııa­lar ótkizý arqyly biz búkil Qazaqstannan kem degende 500 áıel­di oqytýdy josparlap otyrmyz. Osy jobany jú­zege asyrý elimizde áıelder ara­syn­d­aǵy kásipkerliktiń damýyna ja­ńa qozǵaý salatynyna senimdimiz», dedi baspasóz máslıhatyn qory­tyn­dylaǵan E.Maılybaev.

Aınash Esalı,

«Egemen Qazaqstan»