Týyndynyń ózegine arqaý bolǵan dúnıe – qazirgi elordalyq jastar ómiri. Iаǵnı, jańa dáýir, jasampaz bolashaqqa qadam basqan erkin eldiń erikti ul-qyzdary... Júzinen kúlki shýaǵy tógilgen baıandy urpaq... Boljamsyz ǵumyrdyń jibek jelindeı mahabbat... Dáýirdiń dýmandy daýylymen jarysa boı kóterip, tań nuryna boıalǵan ásem qala – Astana... Mıýzıkldiń mazmuny osylaı óriledi.
Jalpy, mıýzıkldiń ereksheligi – drama, spektakl, opera, estrada janry, vodevıl taǵy ne bar, barlyq tıptik óner ataýlynyń basy bir qazanǵa toǵysyp, birin-biri tolyqtyra otyryp, bir úılesimmen kórermenge jol tartatyn týyndy. Osy sala mamandarynyń aıtýyna qaraǵanda, mıýzıkl janry elimizde keń etek jaıa qoımaǵan. Endi-endi damyp jatyr.
Mıýzıkldiń atasy – Eýropa. Arǵy jaǵy kóne grek dáýirinen bastaý alady. Búginde «Ohlahoma» (R.Rodjers pen O.Hammerstaın), «Moıa prekrasnaıa ledı» (B.Shoý), «Volshebnaıa fleıta» (Mosart), «Tıl» (G.Gladkov) t.b. týyndylar álemdik klassıka esebinde tanylǵan.
Bir esepten mıýzıkldi ortaq, ıaǵnı ujymdyq týyndy dese de bolady. О́ıtkeni, atalmysh týyndynyń tórt aıaǵy teń jorǵalaý úshin – sazger, aqyn, dramatýrg, rejısser, baletmeıster, prodıýser, jaryq berýshi, dybys óńdeýshi t.b. shyǵarmashylyq ıeleriniń teri bir qazanda qaınaýy tıis.
Osyndaı kúrdeli sıntezdi-sınkrettik týyndynyń alǵash ret elorda tórinde, Qazaq UО́Ý zalynda sahnalanýy úlken jetistik. Kúrdeli qoıylymdy avtorlar tórt aı boıy uıqy-kúlki kórmeı daıyndaǵan eken. Tek osy mıýzıkl úshin jańadan 20 án jazylǵan. Daıyn bolǵan shyǵarmany sahnalaýǵa kelgende, teatrlar qarjylyq qıynshylyqqa baılanysty bas tartqan. Biraq, Qazaq UО́Ý-niń «Estrada óneri» kafedrasynyń meńgerýshi Maıra Dáýletbaq hanym óz stýdentteriniń kúshimen týyndyny jaryqqa shyǵarýǵa táýekel etken.
Sóıtip, «Baqorda» mıýzıkli (lıbrettosyn jazǵan – Jupar Qojaq) dúnıe esigin ashty. Shyǵarmany somdaýǵa qatysqan stýdentter shyǵarmanyń ishki mazmun-sıpatyn asha aldy. Oqıǵanyń áý basynda aýyldan Astanaǵa qonaqqa kelgen Tomırıs qyzdy vokzaldan kútip alǵan eki azamat (rólderde – Ańsar men Darhan) oǵan ásem Astanany tamashalatady. Osy jerde bir ádemi dıalog bar. Dostary aıtqan, «biz seni qorǵap-qoldap qydyrtamyz» degen lepisine Tomırıs: – Qyzǵa qorǵan bolǵan jigit – elge de, aıbyn bolmaı ma? – dep utymdy ýájisin kóldeneń tastaıdy. Shyǵarmanyń túıini de osy lepiske baılanyp tur.
Beken QAIRATULY,
«Egemen Qazaqstan»
Sýretterdi túsirgenErlan OMAROV,
«Egemen Qazaqstan»