«Atameken» Ulttyq kásipkerler palatasynyń qatysýymen elimizdiń barlyq óńirinde kedendik rásimdeý aımaǵy qurylady. Bul týraly «Atameken» Ulttyq kásipkerler palatasy basqarmasynyń tóraǵasy Abylaı Myrzahmetov málimdedi.
«Árbir óńirde kedendik rásimdeý aımaǵyn qurý týraly sheshim qabyldandy. Premer-Mınıstr Baqytjan Saǵyntaev oblystarǵa usynys jasap otyr. Eger bizde seriktester bolsa, onda ol berýge daıyn. Kedendik rásimdeý aımaqtary standartqa saı, bızneske yńǵaıly bolýy úshin palataǵa bermek. Biz jeke ınvestorlarmen bul jumysty júzege asyrýymyz qajet. Nátıjesinde palatanyń bedeli men múmkinshiligi kóteriletin bolady», - dedi Myrzahmetov.
Onyń aıtýynsha, Úkimet basshysy keden arqyly júkterdiń jedel ótýi jumystaryn jeke baqylaýynda ustap otyr.
Bir aıta keterligi, Premer-Mınıstr Aqtaýǵa úsh márte baryp, jaǵdaıdy zerdelep qaıtty. Nátıjesinde qujattar sany qysqartylyp, veterınarlyq jáne fıtosanıtarlyq baqylaý kedende júzege asyrylatyn boldy.