Birlestik belsendisi Irına Tatıevanyń bastamasymen olar «Qaıyrymdy panda» atty oıyn oılap tapty. Bul ınternet jelileri arqyly jasóspirimderdi ózine qol jumsaýǵa ıtermeleıtin, búldirgi «Kók kıt» oıynyna qarsylyq kórsetý bolyp tabylady eken.
- «Kók kıt» oıyny jasóspirimderdi psıhologııalyq turǵydan orny tolmas ókinishterge aparǵany belgili. Al bizdiń qarabalyqtyq jastar oılap tapqan «Qaıyrymdy panda» oıyny balalardy, jastardy tek qana jaqsylyqqa jeteleıdi. Onda oıynshylarǵa 30 tapsyrma beriledi. Jastar áýelde osy tapsyrmalardyń barlyǵyn da aýdan kóleminde volonterlerdiń ózderiniń qatysýymen oryndap kórýdi oılastyrady. Al shyndyǵynda oǵan Astanadan, Reseıdiń Chelıabi oblysynan jastar qosyla bastady, - deıdi aýdandaǵy Jastar resýrsy ortalyǵynyń dırektory Irına Altynnıkova.
Oıyndy jasaǵan volonterlerdiń aıtýynsha, tapsyrma qarapaıym turmystaǵy tirlikten aspaıdy. Mysaly, ózi tanymaıtyn bireýge hat jazady, odan zeınetkerge kómek berýin ótinedi nemese túngi uıqyǵa jatqanda kıip jatatyn kıimimen dúkenge baryp, tuz satyp alýdy tapsyrady.
- Mundaı tapsyrmalar da kerek, óıtkeni ol jastardy ózine senimdilikke tárbıeleıdi, - deıdi Irına Tatıeva.
Qazir jelidegi oıynǵa júzden asa oıynshylar qosylypty.
Názıra Járimbetova,
«Egemen Qazaqstan»