«Sport mektepterinde 6-dan 18 jasqa deıingi 7 055 bala bar», dep habarlaıdy Astana ákimdiginiń «Elorda Aqparat» resmı ınternet-portaly Astana qalasy Dene shynyqtyrý jáne sport basqarmasynyń basshysy Berik Marjyqpaevqa silteme jasap.
«Astana qalasy Dene shynyqtyrý jáne sport basqarmasynyń baǵynysyndaǵy barlyq on sport mektebi 6 jastan jáne odan da eresek sportshylardy daıyndaý jóninde halyqqa tegin qyzmet kórsetedi. Sport mektepterinde 6-dan 18 jasqa deıingi 7 055 bala bar», - dep atap ótti B.Marjyqpaev.
Onyń aıtýynsha, jattyqtyrýshylardyń eńbekaqysy, sport ǵımaratyn jalǵa alý, sport quraldaryn satyp alý – barlyǵy da Astana qalasy bıýdjeti esebinen tólenedi.