Ońtústik Qazaqstan oblysynda Maqtaral aýdanynda jerasty sýlary kóterilip, Jetisaı qalasyndaǵy úılerge sý kirip, sý sorý jumystary júrgizildi. Bul jumystarǵa jergilikti ákimdik pen tótenshe jaǵdaı qyzmetinen 12 adam men 3 tehnıka jumyldyryldy.
Shymkentte jańbyrdan kósheler men aýlalarǵa sý toldy. Shahardyń tótenshe jaǵdaı qyzmetinen 13 adam men 3 tehnıkadan quralǵan top aýlalardy sýdan tazartty.
Saıram aýdany men Otyrar aýdanynda Arys ózeni boıynda bógetter jasalyp, tasqynnyń aldyn alý sharalary júrgizildi. Oǵan jergilikti turǵyndar men tótenshe jaǵdaı qyzmetiniń 60 adam men 4 tehnıka jumyldyryldy.
OQO-nyń sý tasqyny bolǵan ýchaskelerinde sý ótkizgish qubyr bar, nyǵaıtý jumystary júrgizilip, eskertý belgileri, belgi baǵandary qoıyldy. Táýlik boıy kezekshilik uıymdastyryldy.
Esterińizge sala ketsek, demalys kúnderi Arys ózeniniń ústindegi jańadan salynǵan kópirdiń eki janyn sý shaıǵan bolatyn. Tótenshe jaǵdaı qyzmetkerleri onyń sebebin Jambyl oblysynan keletin Boroldaı ózeniniń sý deńgeıi 40 santımetrge deıin kóterilip, Arys ózenine kóp mólsherde sý jiberilýinen týyndaǵan dep túsindirdi.