Nursultan Nazarbaev Reseı Federasııasynyń Prezıdenti Vladımır Pýtınge kóńil aıtý jedelhatyn joldady, dep habarlaıdy Aqordanyń baspasóz qyzmeti.
Qazaqstan Prezıdenti Sankt-Peterbýrg qalasy metrosyndaǵy jarylys saldarynan adamdardyń qaza bolǵany týraly habardy zor kúızelispen qabyldady.
«Bul oqıǵa qabyrǵamyzdy qaıystyrdy, Reseı Federasııasy halqynyń aýyr qaıǵysyna ortaqpyz», - delingen jedelhatta.
Memleket basshysy qaza bolǵandardyń týystary men jaqyndaryna barsha Qazaqstan halqynyń jáne jeke óziniń atynan kóńil aıtty, sondaı-aq zardap shekkenderdiń tezirek saýyǵyp, otbasylaryna oralýyna tilektestik bildirdi.