Tóreshiniń ysqyryǵy estilisimen shyǵysqazaqstandyqtar aıdyn ıeleriniń qaqpasyna birden lap qoıdy. Túmendikterdi qyspaqqa alyp, qaqpadan sańylaý tabý úshin birneshe joıqyn soqqy jasap úlgerdi. Kezdesýdiń 13-mınýtynda Denıs Ignashın mergendigimen tanylyp, «Torpedony» alǵa shyǵardy. Al ekinshi kezeńniń aıaqtalýyna sanaýly sekýndtar qalǵanda Maksım Verevkın matchtaǵy ekinshi jáne sońǵy shaıbany soqty.
О́z kezeginde jankúıerleriniń aldynda namysqa tyrysqan «Rýbın» hokkeıshileri de qarap qalmady. Dittegen maqsatqa jetý úshin baryn salyp baǵyp edi, biraq bul joly jerlesterimizdiń mysy basym boldy.
Alǵashqy oıynda ese jiberip, kelesi úsh matchta qarsylasynan basym túsken «Torpedoǵa» endi bir ǵana jeńis jetkilikti. Eger, erteń óskemendikter óz aıdynynda jeńiske jetetin bolsa, onda hokkeı ujymy óz tarıhynda tuńǵysh ret Bratına kýbogynyń fınalyna joldama alady.
Aıan Ábdýálı,
«Egemen Qazaqstan»