Qazir mashına urlyǵymen aınalysatyndar ony kóz ilespes ýaqytta alyp ketedi. Bul týraly oblystyq ishki ister basqarmasy qylmystyq polısııasynyń aǵa jedel ýákili, polısııa maıory Rınat Qabylbekov aıta kelip, kólik ıelerine dybys beretin arnaıy blokırator qorabyn ornatýǵa keńes berdi.
Jyl basynan beri oblys óńirinde 37 avtokólik urlanǵan, sonyń 32-i ashyldy.
«Munda mashınalardy urylar ashpaıdy, mashınanyń «aıqaı salatynyn» jaqsy biledi. Al mehanıkalyq bokıratorlardy asham degenshe on shaqty mınýt ýaqyt ótedi, al bul polısııalardyń kelip úlgerýine jetkilikti» dedi Rınat Qabylbekov.
Sonymen qatar, ol kólikterdi terezeniń aldyna túnde tastap ketý de ury shaqyratynyn aıtty. Mysaly, esiktiń aldyna qoıyp ketken «VAZ-2107» markaly mashınany jaqynda 16 jáne 17 jastaǵy eki jasóspirim urlap bara jatqan jerinen Fedorov dańǵyly boıynan ustaldy. Olardyń ústinen qylmystyq is qozǵaldy.
Názıra Járimbetova «Egemen Qazaqstan»