Olar Qyzylorda oblysynyń ahýaldyq ortalyǵynyń jumysymen tanysyp, oblys ákimi Qyrymbek Kósherbaevpen jáne aımaq aktıvimen kezdesti. Sonymen qatar, medısınalyq aqparattyq júıeni engizýdiń tanystyrylymyn ótkizdi.
Oblystyń aktıv otyrysynda Elbasy Joldaýynyń basym baǵyttary, onyń ishinde mindetti áleýmettik medısınalyq saqtandyrý júıesin engizýdiń artyqshylyqtary túsindirildi.
«2016 jyly medısına qaýymyna, turǵyndarǵa, jumys berýshilerge túsindirý, talqylaý jumystary júrgizildi. Oblys kóleminde arnaıy shtabtar qurylyp, jumysy uıymdastyrylsa, aqparattandyrý jumystary buqaralyq aqparat quraldarynda keńinen nasıhattaldy», – dedi oblys ákimi Qyrymbek Kósherbaev.
QR Densaýlyq saqtaý mınıstri Eljan Birtanov pen «Áleýmettik medısınalyq saqtandyrý qory» kommersııalyq emes aksıonerlik qoǵamynyń basqarma tóraıymynyń orynbasary Erik Baıjúnisov saqtandyrý júıesiniń múmkindikteri týraly aıtyp, jıynǵa qatysýshylardyń saýaldaryna jaýap berdi.
Munan soń Qyzylorda oblysynyń densaýlyq saqtaý basqarmasy men «SANA-MED» JShS arasynda memlekettik-jekemenshik áriptestik negizinde №2 qalalyq emhana jobasyn júzege asyrý týraly kelisimge qol qoıyldy.
Osy kúni aqparattyq-nasıhattyq top músheleri medısınalyq qyzmet kórsetý salasyndaǵy kásipkerlermen jáne medısına qaýymymen kezdesti.