Vedomstvo basshylary qoǵamdyq rezonans týdyrǵan is prokýratýra men ishki ister departamentiniń erekshe baqylaýynda bolatynyn jetkizdi.
«Qandy oqıǵa boldy, istiń negizgi fıgýranttary – quqyq qorǵaý organdarynyń burynǵy qyzmetkerleri ekenin bilemiz. Tergeý barysynda eshqandaı faktilerdiń burmalanbaıtynyn, bura tartý bolmaıtynyn aıtqymyz keledi. Arnaıy prokýrordyń basshylyǵymen jedel tergeý toby quryldy. Kúdiktilerdiń barlyǵy ustaldy, olardyń eshqaısysy da jazasyz qalmaıdy. Qazirgi kezde tergeý amaldary júrgizilýde, qylmys kezinde qoldanylǵan qarýlar da tárkilendi. Tergeý barysyn ózim jáne ShQO IID basshysy tikeleı baqylaýǵa aldyq. Kináliler qatań jaýapkershilikke tartylady», – dedi oblys prokýrory.
Baǵban Taıymbetov pen Janarbek Baqtybaev qaıtys bolǵandardyń týystaryna oblys prokýratýrasy men ishki ister departamentine kez kelgen suraqpen aryzdana alatynyn jáne júrgiziletin tergeý sharalaryna qylmystyq-prosessýaldyq kodeksi talaptarynyń sheńberinde qatysýǵa bolatynyn aıtty.
Azamat QASYM, «Egemen Qazaqstan»