«Bıylǵy jyl, elimiz úshin óte jaýapty da, mańyzdy oqıǵalarǵa toly jyl. Biz Birikken Ulttar Uıymy Qaýipsizdik keńesiniń turaqty emes múshesi retinde óz qyzmetimizdi bastadyq, maýsym aıynda Astana meımandary EKSPO-2017 halyqaralyq kórmesinde jınalady, elordamyzda Islam yntymaqtastyq uıymynyń sammıti ótedi. Al jyldyń basynda Memleket basshysy Nursultan Nazarbaev konstıtýsııalyq reformalardy jarııalap, Qazaqstan halqyna «Qazaqstannyń Úshinshi jańǵyrýy: jahandyq básekege qabilettilik» atty Joldaýyn usyndy. Osynyń barlyǵy memleketimizdiń damýyn jáne búkil Qazaqstan halqynyń múddelerin tolyqtaı qamtamasyz etip, elimizdi damyǵan 30 memlekettiń qataryna qosatynyna nyq senemiz. Atap aıqanda, Jańǵyrýdyń úshinshi kezeńin júzege asyra kele, biz ulttyq ekonomıkanyń básekege qabilettiligin kúsheıtýdi, kólik-logıstıka jáne agroónerkásip keshenin damytýdy josparlap otyrmyz. Sonymen qatar, Joldaýda adamı kapıtaldyń damýyna erekshe kóńil bólinedi, ıaǵnı bilim salasyn, densaýlyq saqtaý salasyn damyta kele, halyqtyń ál-aýqatyn kóterý josparlanyp otyr. Osy baǵyttardy júzege asyrý maqsatynda, Qostanaı oblysynda belsendi jumys júrgizilip, aldymyzǵa qoıylǵan tapsyrmalardy iske asyrýǵa baǵyttalǵan is-sharalar kesheni oryndalýda. 2016 jyldyń qorytyndysy boıynsha oblys ekonomıkasynyń údemeli damý serpini, bizde Memleket basshysy alǵa qoıǵan barlyq mindetterdi is júzinde oıdaǵydaı oryndaý úshin jetkilikti negiz qalandy dep aıtýǵa múmkindik beredi. О́ńirdegi ónerkásip te órkendep keledi. Ol naqty kólem ındeksi boıynsha 100,3 paıyzdy qurasa, aýyl sharýashylyǵynda 102,3 paıyz, bólshek saýdada 101,7 paıyzdy kórsetip, oń nátıjeler baıqalady. Negizgi kapıtalǵa salynǵan ınvestısııalar 6 paıyzǵa ulǵaıtyldy. 2017 jyldyń basynan beri sol serpin saqtalýda. О́nerkásipte naqty kólem ındeksi 104,3 paıyzdy quraıdy, bólshek saýda – 101,6 paıyz. Oblys ekonomıkasyna shamamen 15 mlrd teńge ınvestısııa tartyldy» dedi óńir basshysy A.Muhambetov.
Qostanaı oblysy respýblıkanyń jetekshi agroónerkásip óńiri bolyp tabylady jáne astyq óndirýde elimizde óziniń laıyqty úlesin qosyp otyr. Munyń dáleli, oblystaǵy ortasha jyldyq astyq óndirisi 5 mln tonnadan asady. Bul rette aıta ketetin taǵy bir jaıt, tek qana 2016 jyly óndirilgen 1 mln 107 myń tonna unnyń shamamen 965 myń tonnasy oblystan tys jóneltilgen, onyń ishinde 860 myń tonnasy nemese 90 paıyzy eksportqa shyǵarylǵan.
Sonymen birge, oblys basshysy logıstıkalyq ınfraqurylymdy damytýda, «Nurly jer» turǵyn úı baǵdarlamasyn iske asyrýda, shaǵyn jáne orta bıznesti damytýda, adamı kapıtal sapasyn jaqsartýda, onyń ishinde, bilim, densaýlyq salasyna basa nazar aýdarylǵanyn alǵa tartyp, aýqymdy jumystar atqarylyp jatqanyn baıandady.
Jaqynda Úkimet otyrysynda Ishki ister mınıstri Qalmuhanbet Qasymov Qostanaı jáne Soltústik Qazaqstan oblystaryn sý basý qaýpi joǵary ekenin málimdegen bolatyn. Osyǵan baılanysty qoıylǵan saýalǵa oraı óńir basshysy jan-jaqty ázirlik jumystaryn josparlap, aldyn-alý sharalaryn qamdap jatqanyn jetkizdi.
Raýan QAIDAR,
«Egemen Qazaqstan»