Rýhanı baılanystyń bir kórinisi

Basqosýda Qazaqstan elshisi Erǵalı Bólegenov Tuńǵysh Prezıdent – Elbasy Nursultan Nazar­baev­tyń basshylyǵymen elimizdiń damýy, bılik tarmaqtary arasynda ókilettikterdi qaıta bólý jónindegi konstıtýsııalyq reformalar, Elbasynyń Qazaqstan halqyna arnaǵan «Qazaqstannyń Úshinshi jańǵyrýy: jahandyq básekege qabilettilik» atty Joldaýy týraly egjeı-tegjeıli aıtyp ótti.

Sondaı-aq, E.Bólegenov Uly Otan soǵysy ke­­zinde Volkovysk qalasyn jaýdan azat etý ke­zin­de erlikpen qaza tapqan qazaqstandyq Keńes Oda­ǵynyń Batyry Qazbek Nurjanovtyń erligin umyt­paı qasterlep júrgenderi úshin Volkovysk qa­lasynyń basshylyǵy men turǵyndaryna, sonymen birge, jastarǵa úlken alǵysyn bildirdi.

Aıta keteıik, Volkovysk janyndaǵy baýyr­las­tar zıratynda Q.Nurjanovqa arnap eskertkish ornatylǵan jáne sol qalanyń «Iýjnyı» shaǵyn­aý­danyndaǵy kóshelerdiń birine batyrdyń esi­mi berilgen. 1978 jyldan beri jyl saıyn Otan qorǵaý kúni qarsańynda Olımpıadalyq reze­rv-

tegi №1 mamandandyrylǵan balalar-jas­ós­pi­rimder mektebinde Keńes Odaǵynyń Batyry Q.Nurjanovtyń Kýbogyna arnalǵan jeńil atletı­kadan oblystyq jarystar ótkizilip turady. Bul sha­ra­ǵa Qazaqstan elshiligi jyl saıyn qatysyp, uıym­dastyrýshylar men qatysýshylarǵa aýyspaly Kýbogty, baǵaly syılyqtar men júldelerdi tapsyryp otyrady.