Ulttyq gvardııanyń 36 áskerı qyzmetshisi men ishki ister organdarynyń 232 qyzmetkeri, 58 avtokólik, segiz júzý quraly da baǵaly balyq qoryn saqtaý sharalaryna qatysady. «Brakonerlik faktiler kóp tirkeletin jerlerde 20 beket uıymdastyrylǵan. Jaıyq, Qıǵash ózenderi men Kaspıı teńiziniń jaǵalaýy da baqylaýda bolady», deıdi orman sharýashylyǵy jáne janýarlar dúnıesi komıteti tóraǵasynyń mindetin atqarýshy Marlen Aınabekov.
Keń aýqymdy balyq qorǵaý naýqany 31 mamyrǵa deıin jalǵasady. Osy ýaqyt aralyǵynda Atyraý, Aqtaý, Oral qalalarynda balyq ónimin zańsyz satý oryndary týraly monıtorıng júrgiziledi. Bıyl atyraýlyq balyqshylarǵa bólingen kvota kólemi 14 myń tonna. Bul kórsetkish ótken jylǵy mólsherden bes myń tonnaǵa az. Oblystyq aýmaqtyq orman sharýashylyǵy jáne janýarlar dúnıesi ınspeksııasynyń basshysy Murat Ermekqalıevtiń aıtýyn-
sha, byltyr balyqshylar bólingen lımıttiń 67,5 paıyzyn ǵana (12,9 myń tonna) oryndaǵan. Esesine, 15 myń tonna balyq ónimderi zańsyz aýlanyp, oblys aýmaǵynan shyǵarylypty.
Baqytgúl BABASh,
«Egemen Qazaqstan»
ATYRAÝ