«Qazirgi tańda «Álippe» jobasy ázirlenip, saraptamaǵa jiberildi. Qazir depýtattarǵa joba tanystyrylady. 2017 jyly biz respýblıkanyń barlyq balabaqshalaryna atalmysh júıeni engizemiz», - dedi vıse-mınıstr.
Mınıstrlik habarlaǵandaı, ata-analardy úıretýge de nazar aýdarylady.
«2016 jyldyń zertteýi kórsetkendeı, ata-analardyń 40 paıyzy mektepke deıingi bilim berý boıynsha durys aqparattandyrylmaǵan. Jalpy, ata-analardyń 48,7 paıyzy balany fızıologııalyq turǵyda damytý ádisterin bilmeıdi», - dedi Elmıra Sýhanberdıeva.
Mektepke deıingi jastaǵy balalardy damytý boıynsha ata-analardy aqparattandyrý úshin balabaqshalar janynan keńes berý pýnktteri men QR BǴM Otbasy.kz saıtyn ázirlegen bolatyn.
«Saıtta ata-analar 6 oqytý modýli boıynsha aqparat alady: densaýlyq, tamaqtaný, qaýipsizdik, tárbıe berý jáne kommýnıkasııa, oqytý, oıyn men damytý erekshelikteri. Árbir modýl vıdeo, aýdıo jáne mátindik kontentti 3 jas sanaty boıynsha qamtıdy: ol sábı kezinen bir jylǵa deıin, 3 jyldan bastap, 5-6 jasqa deıin», - dedi ol.
Spıker atap ótkendeı, mektepke deıingi bilim berý týraly aqparatpen normatıvpen tanysý, óz óńirińnen mektepke deıin bilim berýdi meńgerý arqyly ala alady.
«Qazirgi tańda saıttyń qoldanýshylary tirkelip jatyr. Saıt resýrstary tegin jáne ol ata-analardyń keńestik pýnktiniń quraly retinde jetildiriledi», - dedi vıse-mınıstr.