Bilim jáne ǵylym mınıstriniń orynbasary Elmıra Sýhanberdıeva mektepke deıingi bilim berý salasynda mınıstrliktiń jasap jatqan jumystary týraly depýtattarǵa baıandap berdi, dep habarlaıdy QR Parlamenti Májilisiniń baspasóz qyzmeti.
«Bıylǵy jyly ulttyq mektepke deıingi tárbıe men oqytý salasyna 100 jyl boldy. Ǵasyrlyq tarıhta osy sala kúrdeli joldan ótti. Táýelsiz memlekettiń alǵashqy jyldaryndaǵy qıyn jaǵdaıda eriksiz «ońtaılandyrýǵa» ushyrady: 1991-2002 jyldar aralyǵynda balabaqshalar jelisi 8 esege qysqardy (8881-den 1095 birlikke deıin). Sol ýaqyttan beri saladaǵy saıasat ınfraqurylymdy damytýǵa baǵyttaldy. Mektepke deıingi bilim berýmen qamtýdy túbegeıli keńeıtýge 2010 jylǵy «Balapan» baǵdarlamasy yqpal etti. 6 jyldan keıin biz 1991 jylǵy (8881 birl., 2015 jyly - 8834 birl.) jeli kórsetkishine qol jetkizgenimizdi qýanyshpen aıta alamyzá,- dedi vıse–mınıstr.
«О́zderińiz biletindeı, mektepke deıingi kezeńde balanyń negizgi qabiletteri qalyptasady. Sondyqtan Mınıstrlik mektepke deıingi bilim berýge balalardyń teń qoljetimdiligin qamtamasyz etý boıynsha belsendi jumys júrgizýde. Osy maqsatta 2019 jylǵa deıin 1631, onyń ishinde 970 jekemenshik mektepke deıingi uıymashylatyn bolady.Nátıjesinde biz 3-6 jastaǵy balalardy mektepke deıingi uıymmen tolyq qamtýǵa qol jetkizetin bolamyz. Búgingi kúni respýblıkada 807,2 myń bala quramymen 9410 mektepke deıingi uıym, onyń ishinde 2336 – jekemenshik mektepke deıingi uıym jumys isteıdi. Osylaısha, mektepke deıingi bilim berýdiń qoljetimdiligi máselesi sheshiledi jáne Elbasynyń tapsyrmasy 2019 jylǵa deıin oıdaǵydaı oryndalady. Mınıstrlikte mektepke deıingi bilim berýdiń mazmunyn jańartý boıynsha aýqymdy jumys júrgizýde. Osy maqsatta Standart jańartyldy jáne «Máńgilik el» jalpy ulttyq ıdeıasy negizinde biryńǵaı Úlgilik oqý baǵdarlamasy engizildi. «Bilim berý týraly» QR Zańyna sáıkes mektepaldy daıarlyq mindetti jáne 5 jastan bastap otbasynda, mektepke deıingi uıymdarda jáne mektepterde mektepaldy synyptarda júzege asyrylady. Balalardyń mektepaldy daıarlyǵyn teńestirý úshin pılottyq sheńberde 2017 jyldan «Álippeni» («Býkvar») jáne ony súıemeldeý boıynsha oqý baǵdarlamasyn engizý josparlanyp otyr. «Álippe» («Býkvar») oqý jylynda alfavıtti jáne býyndap oqýdy úıretýge eseptelgen. Qazirgi ýaqytta «Álippe» («Býkvar») ázirlenip, saraptamaǵa jiberildi. Mınıstrlik ata-analardy oqytýǵa erekshe nazar aýdarýda. 2016 jylǵy zertteý ata-analardyń 40%-y mektepke deıingi bilim berý máseleleri boıynsha tolyq aqparattandyrylmaǵanyn kórsetti. Tutastaı alǵanda, ata-analardyń jartysyna jýyǵynda (48,7%) balanyń fızıologııalyq damýy týraly bilimder jetkiliksiz. Mektep jasyna deıingi balalardy damytý jáne oqytý máseleleri boıynsha ata-analardy aqparattandyrýdyń qajettiligin eskere otyryp, balabaqshalardyń janynda konsýltasııalyq pýnktter quryldy jáne Mınıstrlik Otbasy.kz saıtyn ázirledi. Qazaqstan Respýblıkasynda bilim berýdi jáne ǵylymdy damytýdyń memlekettik baǵdarlamasynda 2020 jylǵa qaraı pedagogtiń kásibı ósý motıvasııasyn qalyptastyrýǵa baǵyttalǵan birqatar sharalar aıqyndalǵan. Respýblıkanyń mektepke deıingi uıymdarynda 84 myńnan asa pedagog jumys atqarýda. Olardyń 97%-nyń joǵary jáne tehnıkalyq kásibı bilimi bolsa, onyń ishinde tek 37%-nyń ǵana kásibı bilimi bar. Osyǵan qaramastan qazirgi ýaqytta 36 kolledjde jáne 32 joǵary oqý ornynda «Mektepke deıingi tárbıe men oqytý» mamandyǵy boıynsha kadr daıyndaý júzege asyrylady. Jyl saıyn osy mamandyqqa memlekettik tapsyrystyń kólemi ulǵaıýda. Mektepke deıingi uıymdardaǵy kadrlardyń tapshylyǵy mektepke deıingi pedagog mamandyǵynyń tartymsyz bolýymen emes, balanyń ómiri men densaýlyǵyn saqtaý jaýapkershiligine sáıkes kelmeıtin tómen jalaqyǵa (tárbıeshi - 35,7-55,6 myń teńge, tárbıeshiniń kómekshisi - 25-30 myń teńge) baılanysty. Bıylǵy jyly Mınıstrlik mektepaldy daıarlyqtyń tárbıeshileri men pedagogteri úshin biliktilikti arttyrýdyń bilim berý baǵdarlamalaryn ázirleýdi bastady. Sondaı-aq mektepaldy daıarlyqtyń 9540 pedagogi úshin biliktilikti arttyrý kýrstaryn qosymsha qarjylandyrý máselesi qarastyrylýda»,- dep qorytty vıse-mınıstr.
Májilis depýtattary, mektepke deıingi tárbıe jáne oqytý salasyndaǵy úkimettik emes uıymdardyń jáne bilim berý uıymdarynyń basshylary jáne basqalar sóz sóıledi. Jumys barysyna Parlament Májilisiniń depýtattary, Bilim jáne ǵylym mınıstri, densaýlyq saqtaý jáne aýyl sharýashylyq vıse-mınıstrleri, Astana qalasy ákiminiń orynbasary, mektepke deıingi bilim berý kadrlaryn daıarlaıtyn bilim berý uıymdarynyń basshylary, mektepke deıingi tárbıe jáne oqytý salasyndaǵy úkimettik emes uıymdar, buqaralyq aqparat quraldarynyń ókilderi qatysty.
_________________________________________________________
Qazaqstan Respýblıkasy Parlamenti Májilisiniń resmı saıtyna silteme jasalǵan kezde ǵana materıaldardy kez-kelgen túrde paıdalanýǵa jol beriledi
Aqparat kózi: http://www.parlam.kz/kk/mazhilis/news-details/id32517/1/1
Qazaqstan Respýblıkasy Parlamentiniń Májilisi