Bul týraly búgin Maqtaaral aýdanynyń ákimi Ǵalymjan Ismaılov OQO Aımaqtyq kommýnıkasııalar qyzmetinde ótken baspasóz jıynynda málimdedi.
Jýrnalıstermen bolǵan otyrysta aýdan basshysy aǵymdaǵy jyly boljamdyq egis qurylymyna sáıkes, dándi jáne burshaqty daqyldar 13884 ga, tehnıkalyq daqyldar 80513,8 ga (byltyr 83609,8 ga-ǵa maqta egilgen), kartop, kókónis jáne baqsha daqyldary 34020,9 ga, mal azyqtyq daqyldary 9535,9 ga egiledi dep kútilip, búginde aýdan sharýalary 890,2 ga jerge túrli kókónis daqyldaryn, 4562,2 ga jerge baqsha, 890,3 ga jerge jańa jońyshqa, 41 ga jerge baý jáne júzim ekpelerin otyrǵyzyp úlgergenin habarlady.
Munan bólek, aýdan kóleminde 947 ga jerge jemis-jıdek jáne júzim daqyldary ósirilip jatyr. Onyń ishinde 105,4 ga qarqyndy baý jáne bıyl oǵan qosymsha 70 ga jerge qarqyndy baý ornalastyrý josparlanýda.
Sonymen birge, aýdan basshysy ótken 2016 jyly Maqtaaralda aýyl sharýashylyǵy salasynda jalpy óndirilgen ónimniń kólemi 64 mlrd. 489,7 mln. teńgeni qurap 2015 jylmen salystyrǵanda 4,8 mlrd teńgege artqanyn aıtty. О́ndirilgen ónim kólemin 2021 jylǵa deıin 90,4 mlrd. teńgege jetkizý josparlanyp otyrǵanyn jetkizgen Ǵ.Ismaılov egis qurylymyn ártaraptandyrý arqyly aýyspaly egisti engizý nátıjesinde mol ónim alý kózdelip otyrǵanyn habarlady.
«Aýdanda maqta daqyly negizgi daqyl bolyp sanalatyn bárimizge belgili. Sondyqtan maqta daqylynan mol ónimge qol jetkizý úshin birinshiden tuqymdyq shıtke kóńil bólýimiz qajet. Byltyrǵy jyly aýdanda tuqymdyq shıt jetispeýshiligi oryn alǵan jaǵdaıy boldy. Osy jaǵdaıdyń aldyn alý úshin aýdanda arnaıy jumysshy top qurylyp, nátıjesinde bıyl aýdanda 2985 tonna shıt daıyndalady dep josparlandy. Onyń ishinde orıgınal – 2 tn, elıta – 45 tn, R-1 – 385 tn, R-2 - 100, tehnıkalyq shıt – 2453. Búgingi tańda aýdanymyzda 2502 tonna shıt daıyn. Odan bólek aýdannyń kásipkerleri tarapynan Qytaı, Túrkııa meleketterinen qosymsha tuqymdyq shıt alyp kelý úshin jumystar júrgizilýde. Bul shıttiń kólemi bıylǵy jyly egiletin alqapqa tolyq jetkilikti bolady dep josparlap otyrmyz», - dedi aýdan ákimi.
Baspasóz jıynynda Ǵalym Ybyraıuly tuqym máselesin túpkilikti sheshý úshin jer kólemi aýqymdy sharýashylyq basshylarymen jumystar júrgizilip jatqanyn da atap ótti.
Spıker, sondaı-aq, aýyl sharýashylyǵy daqyldarynan mol ónim alýdyń negizgi kepilderiniń biri egistik alqaptardy der kezinde jáne qajetti mólsherde aǵyn sýmen qamatamasyz etý ekenin atap ótip, búgingi tańda aýdanda uzyndyǵy 2,7 myń shaqyrym bolatyn 1316 sý arnasy baryn jetkizip, sýarý jumystaryn oıdaǵybdaı júrgizý josparlanyp otyrǵanyn eskertti.
Sondaı-aq, Maqtaaraldyń ákimi aýyl sharýashylyǵy tehnıkalarynyń qatary jyl saıyn jańalanyp otyratynyn málimdep, bıyl 182 dana jańa tehnıkany alý boljanyp otyrǵanyn jetkizdi.