Mundaı tyǵyryqqa tirelýdiń negizinen eki sebebi bar. Birinshiden, elektr energııasy, jylý, tehnıkalyq jáne ystyq sýdyń Ulttyq ekonomıka mınıstrliginiń Tabıǵı monopolııalardy retteý, básekelestikti jáne tutynýshylar quqyǵyn qorǵaý komıteti 2015 jyly bekitken tarıfteriniń tómendigi. Ekinshiden, kásiporynnyń óndiretin óniminiń ózindik qunynyń 60 paıyzyn quraıtyn gaz shyǵynynyń 2015-2016 jyldarda 29 paıyzǵa artqandyǵy.
Mine, osy faktorlar kásiporynnyń qarjylyq jaǵdaıyn múshkil halge jetkizip, josparlanǵan jóndeý jumystaryn jasaýǵa, energııa resýrstaryn óndirýdi azaıtýǵa jáne t.b. qıynshylyqtarǵa tirep tur. Osy máselelerdi eskerip men kásiporyn basshylarynyń ótinishimen Premer-Mınıstrdiń atyna depýtattyq saýal joldap, MAEK-tiń jaǵdaıyn jaqsartý joldaryn usyndym. Onyń ishinde «Tabıǵı monopolııalar týraly» Zańnyń 13-babynyń 3-tarmaǵyndaǵy strategııalyq taýarlar degen tizimdi «ózi óndiretin sý» degen sózdermen tolyqtyrý kerek ekendigin aıttym. О́ıtkeni, zańnyń redaksııasynda «satyp alynatyn sý» degen sózder ǵana jazylǵan. Al biz sóz etip otyrǵan kásiporyn sýdy satyp almaıdy, ózi óndiredi. Sondaı-aq, zańnyń 1.2-tarmaǵyna «elektr energııasy» degen sózdi qosýdy usyndyq. Zańǵa osyndaı ózgerister engizilse atalǵan kásiporyndy ońaltý sharalary jasalar edi. Sonymen qatar, Premer-Mınıstrden MAEK úshin jylý energııasyn óndirý ǵana emes sý, elektr men jylý energııasyn óndirýge bólinetin gaz tarıfiniń de jeńildetilýi ótinildi. Osy ónimder tarıfteriniń ózgerýi jyldyń bir mezgilinde jasalatyn bolsa tıimdi bolar edi. Al eger gaz tarıfi 1 shildeden bastap kóteriletin jaǵdaıda MAEK ózi óndiretin elektr qýatynyń baǵasyn tek kelesi jyldyń 1 qańtarynan bastap qana kótere alady.
Osy máselelerge Úkimet basshysy nazar aýdaryp, óńirdegi elektr jáne basqa da resýrstar óndiretin kásiporyndy tyǵyryqtan qutqarar degen úmitimiz bar.
Baqtybaı ShELPEKOV,
Senat depýtaty