«Búginde jumysshy mamandyǵynyń mártebesin kóterýge Úkimet tarapynan erekshe qoldaý kórsetilip otyr. О́ıtkeni, Elbasymyz aıtyp ótkendeı, eldi ındýstrııalandyrýǵa baılanysty jumysshy mamandyqtarynyń mańyzy arta túsedi. El ekonomıkasynyń negizi bilikti mamandardan, óz isiniń sheberlerinen quralady», – dedi oblys ákiminiń orynbasary.
Bıylǵy aımaqtyq chempıonatqa qatysýshylar «Mehatronıka», «Elektrmontajdaý jumystary», «Jelilik jáne júıelik ákimshilik», «Dánekerleý tehnologııasy», «Kirpish qalaý», «Qurǵaq qurylys jáne sylaq jumystary», «Meıramhanalyq servıs», «Aspazdyq isi», «Shashtaraz óneri», «Sandyq baǵdarlamalyq basqarý stanoktaryndaǵy tokarlyq jumystar», «Injenerlik grafıka» CAD (avtomattandyrylǵan jobalaý júıesi) mamandyqtary bo-ıynsha sheberlikterin ortaǵa saldy.
Shara sońynda 1,2,3-oryndardy ıelengen 33 júldegerdi oblystyq bilim basqarmasynyń basshysy Aıjan Sadyqova sertıfıkattarmen marapattap, bıyl Astanada ótetin EKSPO-2017 halyqaralyq kórmesine joldama men baǵaly syılyqtardy tabys etti. Ár salada top jarǵan 11 jeńimpaz áýeli elordada ótetin respýblıkalyq kezeńde baqtaryn synaıdy. Bul synnan súrinbeı ótkender Abý-Dabı qalasynda ótetin halyqaralyq chempıonatta el namysyn qorǵaıtyn bolady.
Azamat QASYM,
«Egemen Qazaqstan»
О́SKEMEN
Sýretti túsirgen
Ǵylymbek SÁBITOV