Qazaqstan Prezıdenti Ujymdyq qaýipsizdik sharty uıymynyń mereıtoıyna oraı memleketaralyq «MIR» telearnasyna suhbat berdi, dep habarlady Aqordanyń baspasóz qyzmeti.
Memleket basshysy telearnanyń Ujymdyq qaýipsizdik sharty uıymynyń óńirlik qaýipsizdikti qamtamasyz etýdegi róli, uıymnyń ınstıtýsıonaldyq damýy jáne bul úderisterge Qazaqstannyń qosqan úlesi jónindegi saýaldaryna jaýap berdi.
Suhbat barysynda Nursultan Nazarbaev óńirdegi jańa syn-qaterler men qaýipterge qatysty óz oıyn ortaǵa salyp, oǵan qarsy Ujymdyq qaýipsizdik sharty uıymy aıasynda kúresýdiń ujymdyq sharalary týraly áńgimeledi.
Sondaı-aq, Qazaqstan Prezıdenti Ujymdyq qaýipsizdik sharty uıymy men NATO-nyń uqsastyǵy jóninde pikir bildirip, bul uıymdardyń sıpaty men qurylýyndaǵy mindetteriniń aıyrmashylyqtaryna toqtaldy.