О́tken senbide, ıaǵnı 8 sáýir kúni Glýbokoe aýdanynyń aýylsharýashylyq jármeńkesin aralaǵan kezde aımaq basshysy Danıal Ahmetovke qala turǵyndary sóredegi et baǵasynyń myń qubylatynyn aıtyp, muńdaryn shaqqan bolatyn. Máselen, sıyr etiniń baǵasy 1300 teńgeden satylady dep kórsetilgenimen, shyn máninde 1500 teńgeden saýdalanǵan.
«Halyqtyń shaǵymy oryndy bolyp shyqty. Barlyq jármeńkelerde О́skemenniń alypsatarlary ózderiniń etterin saýdalaǵan. Buǵan jol bergen sheneýnikterdiń barlyǵy jazalanatyn bolady. Sórege jalǵan baǵa qoıǵan Glýbokoe aýdanynyń ákimi men onyń orynbasaryna, oblystyq aýyl sharýashylyǵy basqarmasynyń basshysyna qatań sógis jarııalandy. Jármeńkeni alypsatarlardan tazartý úshin jergilikti polısııaǵa tapsyrma berildi», – dedi óńir basshysy oblys ákimdiginiń keńeıtilgen jıynynda.
Azamat Qasym,
"Egemen Qazaqstan"
О́SKEMEN