Oblystyq ishki ister departamentine oblys turǵyndary búginge deıin óz erkimen 13 qarý tapsyrdy. Eriktilerge tapsyrǵan qarýy úshin 530 myń 946 teńge tólendi. Tapsyrylǵan qarýdyń barlyǵy da tegis uńǵyly myltyqtar.
Oblystyq ishki ister departamenti ákimshilik basqarmasy bóliminiń basshysy, polısııa polkovnıgi Abzal Bolatovtyń aıtýynsha, aksııa sheńberinde 5 mıllıon teńgeni ıgerý kózdelgen. Qazir qostanaılyqtar tek tegis uńǵyly qarýlar tapsyryp jatyr.
Qostanaı qalasynyń turǵyny ishki ister basqarmasyna «TOZ-BM» qarýyn tapsyrǵan. Myltyqty ol 1950 jyly satyp alyp, osy kúnge deıin tirkeýsiz saqtap kelgen.
Rýdnyı qalasynyń turǵyny ótken jyly Toqtybaı ózeniniń jaǵasynan taýyp alǵan myltyqty tapsyrdy.
Názıra Járimbetova «Egemen Qazaqstan»