Kezdesý barysynda Qazaqstan Prezıdentine mınıstrliktiń qazirgi qyzmeti, qorǵanysqa arnalǵan memlekettik tapsyrysty qalyptastyrý jáne aqparattyq qaýipsizdik salasynda atqarylyp jatqan jumystar, sondaı-aq salany odan ári damytý josparlary jóninde baıandaldy.
Nursultan Nazarbaev mınıstrliktiń aldyna qoıylǵan qorǵanys ónerkásibi deńgeıin kóterý jáne ony tehnologııalyq turǵydan jańǵyrtý mindetteriniń sapaly iske asyrylýyna qatysty máselelerge nazar aýdardy. B.Atamqulov Memleket basshysyna qorǵanysqa arnalǵan memlekettik tapsyrysty qalyptastyrýdyń qazirgi algorıtmin jetildirý úderisi, sondaı-aq «Qazaqstannyń kıberqalqany» tujyrymdamasyn ázirleý barysy týraly málimdedi.
Budan bólek, Qorǵanys jáne aeroǵarysh ónerkásibi mınıstri Elbasyǵa bıyl Astana qalasyndaǵy biregeı kásiporyn - ǵarysh apparattaryn qurastyrý jáne synaqtan ótkizý kesheni qurylysynyń aıaqtalatynyn habarlady. Qazaqstandyq mamandar spýtnık jasaý barysynda jobalaýdan qurastyrýǵa jáne synaq ótkizýge deıingi jumystardyń bárine qatysatyn bolady.
Qazaqstan Prezıdenti kezdesý qorytyndysy boıynsha birqatar tapsyrma berdi.