Jasyratyny joq, mundaı úlken máselede azdaǵan qorqynyshtyń bolatyny da ras. «Kóz qorqaq, qol batyr» degen sóz bar. Bir kezderi men de solaı oılaǵanmyn. Osydan úsh-tórt jyl buryn 1937 jyly repressııa qurbany bolǵan atam Perýashtyń muraǵattan tabylǵan qujattaryn oqyǵanym bar. Bári latynsha jazylǵan. Alǵashqy kúni qıyndaý bolǵanymen, ekinshi kúni atamyzdyń ájemizge jazǵan tebireniske toly hattaryn erkin oqyp otyrdym.
Bireýler bul bastamaǵa kóp qarajat ketedi deýi múmkin. Ult keleshegi úshin ol kedergi emes, menińshe. Eger siz qarjy kóp ketedi dep qora-qopsyny jaǵalap, alys jolǵa shyqpaı qalsańyz, kóp nárseni joǵaltasyz. Bul da solaı! «Er azyǵy jolda» degen babalarymyz.
Elbasy maqalasynda sondaı-aq, qazirgi jahandaný zamanynda ulttyq biregeılikti saqtap qalý, órkenıettiń jaqsysyn alyp, jamanynan jırený jóninde óte qundy pikirler aıtylypty. Endigi mindet – osy aıtylǵandardy iske asyrý jolynda aıanbaı eńbek etý. Eń bastysy – baǵyt-baǵdarymyz anyq, jolymyz jarqyn.
Azat PERÝAShEV,
«Aq jol» partııasynyń tóraǵasy