Aýyl balalary robot qurastyrýǵa kiristi

Innovasııalyq tehnologııalar men robottehnıkasyn jasaý úshin Bilim jáne ǵylym mınıstrligi 2016-2017 oqý jylynda mektep baǵdarla­masyna «Ro­bot tehnıka» elek­­tıvti kýr­syn engizgeni belgili. In­formatıka páni mu­ǵa­limderi osy baǵytta bilik­tiligin art­tyrý kýrstaryn ótýde. Bul aýyl balalaryna óte qa­jet. Erteń úlken qa­la­­lar­ǵa oqýǵa barǵanda, teh­­nı­ka­lyq bilimnen kenje qa­lyp qoı­maıdy. 

Aýdan ortalyǵyndaǵy Sháken Aımanov atyndaǵy mek­tep-ınternatta shal­ǵaı­­­daǵy aýyldardan kelgen oqýshylar bilim alady. Mektepte qazaq kınosynyń jaryq juldyzy Sh.Aımanov atyndaǵy mýzeı bar. Ustazdar men oqýshylar Sháken atalaryna taǵzym jasap, byltyr kıno maıtalmanynyń týǵan jeri Aımanbulaqtaǵy qys­taýǵa belgitas qoıdy. Jyl saıyn rýhanı-tanymdyq Sháken oqýlary ótip turady. Mekteptiń oqýshylary Shá­ken atalary sııaqty bola­shaq­ta ánshi, akter, kınorejısser bolǵysy keledi.

Osyndaı daryndy jet­­­kin­shekter ósip kele jat­qan mektep-ınternatta Ro­bot qurastyrýǵa arnalǵan teh­nı­kalyq kabınettiń ashylýy oqýshylar úshin kútpe­gen qýanysh boldy. Oblys or­­talyǵyndaǵy mem­le­ket­tik pe­dagogıkalyq ıns­tıtýt­tyń rektory, hımııa ǵy­lym­darynyń doktory, ózi de osy Baıanaýyl aýylynda ós­ken Altynbek Nuhuly oqýshy­lardyń ádebıet, ónermen qatar tehnıkaǵa, ǵylymǵa degen tanym-túsi­nikterin damytý úshin kabı­netti ashýǵa demeýshilik kórsetipti.

– Robotty tehnıka eli­mizde endi ǵana damyp keledi. Endi mine, aýyldarǵa jetti, arnaıy úıirme ashylyp, robot qurastyrý isin bastadyq, – deıdi mektep ustazdary.

Ánýar Jarasbaev esimdi oqýshy robotty paıdalanyp, bolashaqta aýylǵa kó­mek­tes­kisi keletinin, ǵa­jaıyp «an­­droıd» jasaǵysy keletinin jetkizdi.

Robot qurastyrýǵa ar­nalǵan kabınet ashylǵan kú­­ni-aq baıanaýyldyq oqý­­shy­lar ózderiniń alǵashqy daıyndyqtaryn kórsetti. In­formatıka pánin de jaq­sy meńgergenderin baı­qat­ty. Iаǵ­nı, robot­ty uıa­ly te­lefon­men bas­qa­rý ádi­­sin já­ne bel­gili sheń­ber­den ke­der­gilerdi taýyp shy­ǵa­rý, sondaı-aq sınhrondy robottardy bı­letýdi ońaı meńgerdi. En­di jańa ın­no­­vasııalyq pán bala­lar­dyń shyǵarmashylyq qa­biletterin damytýdy, baılanys ádisterin jetildirýdi, tehnıkalyq saýattylyqty qalyptastyrady. Jalpy, bilim júıesindegi negizgi tapsyrmalar aqparat jıyntyǵy men ádistemelerdiń toptamasyn meńgerýge, sondaı-aq oılaý tehnologııasyn je­til­dirip, tá­jirıbe jú­zin­de qol­danýǵa jol ashady. Ob­lys or­talyǵyndaǵy mek­tep­ter­de «Robot tehnıkasy» fa­kýltatıvtik kýrstary júr­­gizilýde. Robot tehnıkasy kabınetterin jabdyqtaý úshin jergilikti bıýdjetten 33,6 mıllıon teńge bólingen.

Farıda BYQAI,

«Egemen Qazaqstan» 

Pavlodar oblysy,

Baıanaýyl aýdany