Aqparat dáýiri atalatyn HHI ǵasyr bizge óziniń jedeldigimen, júıriktigimen, ózgeristerimen birge, óziniń jańa deńgeıdegi talaptarymen kelip otyr. Tańerteńgi jańalyq túske deıin eskirip qalatyn zaman adamnan bilikti bolýmen qatar shıraqtyqty da talap etedi. Osyndaı kúrdeli ýaqytta bizdiń memleketimizdiń, halqymyzdyń aldynda rýhanı jańǵyrýǵa bastaıtyn asa jaýapty ister kútip tur.
Tarıhı qalyptasqan bizdiń ulttyq dástúrlerimiz aqparat dáýirinde osy zamandaǵy ozyq dástúrlermen úılesim tabýy úshin qajyrlylyqpen eńbektenýge týra keledi. Elimizdiń joǵary jetistikterge jetýine onyń tabıǵı baılyǵy emes, adamı kapıtal sapasy, adamdarynyń bilimi men básekege qabileti, ony iske asyratyndaı densaýlyq sapasy yqpal etedi. Sondyqtan, bizdiń árbir otandasymyz, árbir qazaqstandyq aldyna úlken maqsat qoıyp, tabysqa jetýge umtylýy kerek, sóıtip, HHI ǵasyrǵa laıyqty bolýy tıis.
Memleket basshysynyń bıylǵy «Qazaqstannyń Úshinshi jańǵyrýy: jahandyq básekege qabilettilik» Joldaýynan týyndaıtyn mindetter men «Sıfrly Qazaqstan», «Úsh tilde bilim berý», «Mádenı jáne konfessııaaralyq kelisim» sııaqty baǵdarlamalar ultymyzdy, ıaǵnı barsha qazaqstandyqty HHI ǵasyrdyń talaptaryna daıarlaýdy kózdeıdi.
Rýhanı jańǵyrý jolynda bizge eldi eleń etkizetindeı tosyn jańalyq jasaý emes, babalardan mıras bolǵan izgi qasıetterdi qaıta túletip, asyldarymyzdy ardaqtap, ulttyq qazynalarymyzdy qasterlep, barymyzdyń qadirleıtin, adamzatqa ıgilik pen adamgershilik ákeletin altyn dińgek bolǵan daǵdyly dástúrlerimizdi órkendetý mindeti tur. Salt-dástúrlerimiz, tilimiz ben mýzykamyz, ádebıetimiz ben mádenı qundylyqtarymyz barshanyń ıgiligine aınalyp, qurmettelýi tıis.
Búgingi urpaq ár saladan habardar bola otyryp, óz maqsatyna jetýge, bilim alýǵa, salamatty ómir saltyn ustanýǵa, kásibı turǵydan jetilýge basymdyq bere otyryp, osy jolda ár nárseni utymdy paıdalana bilýi shart. Bizdiń bolmysymyzǵa tán ustamdylyq, qanaǵatshyldyq pen qarapaıymdylyq, únemshildik pen oryndy paıdalana bilý bizdiń óz beınemizdi tanytady, minezimiz ben mádenıetimizden habardar etedi. Ulttyq kod sıpatyndaǵy eń izgi belgiler men ıgi qasıetterdi saqtaı bilý – bizdiń ortaq paryzymyz.
HHI ǵasyrda eshkimge uqsamaıtyn, derbes orny bar ultqa aınalýdy kózdeıtin «Jahandaǵy zamanaýı qazaqstandyq mádenıet» jobasy iske asyrylady. Bizdiń mádenı qundylyqtarymyz ben qazynalarymyz da álemge keńinen qanat jaıatyn bolady. Mádenı ónimderimiz mýltımedıa quraldary arqyly kórinis tabady.
Dúrbeleńge toly dúnıede barlyq memleketter de zamanǵa sáıkes jańǵyrýdy qalaıdy. Ýaqyt jyldam ózgeredi, ǵasyrlar damý erekshelikterimen este qalady. Ýaqyt údesinen shyǵý úshin jańǵyrý bizdiń ózimizge kerek, tarıh ta sonymen jasalady. Rýhanı jańǵyrý bizdiń barsha qazaqstandyqtarǵa jańa mindetter júkteıdi. Biz ol bıikti de baǵyndyramyz.
Qaırat IShANOV,
Parlament Senatynyń depýtaty